Mitte yannara mittu manchi kofosi baatto loosi`re galannohura hiranno. Layinki barra baatto loosi`re galannohu kofote giddonni waa xorshi`rara daanno woyte manchu xorshshi’rannokki gede hoolanno. Togono yaannosi, “Ani hiroommohehu kofoho ikkinninna waa dikkinno, konni daafira kofote giddonni waa xorshshi`ra didandaatto”.
Baatto loosi`re galannohu lowo geeshsha yaade atse yoote minira maranno. Atserano baalanka coy huwachishi gedensoonni farcco aanno gede xa`manno. Atseno Aleqa Gebire Haanna woshshe tenne hajo kulisi. Aleqa gebire haannano baatto loosi`re galannohura kofo hirisiha mancho woshshe togo yee xa`mi, kofonniha waa horonsi’rannokki gede hooloottosihu mayiraati? Tenne kofo baatto loosi`re galannohura di hiroottote? Manchuno, “Ani baatto loosi`re galannohura h`roommohu kofo ikkinninna diwaaho. Konni daafira kofotto giddonni waa adhate wowe dinosi” yee qolino.
Hakkinnino Aleqa Gebire Haanna muushshi yaanni togo yiisi, “Danchaho, “Kayinnilla lai. Tenne kofo baatto loosi’re galanno manchira hiritto gedensaanni wayi aneho yitanniwe nootto”. Konni daafira baatto loosi`re galanno manchi kofo giddo waakki wo`rate qoosso dinohe. Wayikki baatto loosi`re galanno manchi kofo giddo hee`rannohe gede hasirittoro isira kira baata noohe. Hakku gobbanni kayinni xaanni waakki hakkinni fushshatto. Hakkiinni manchuno sharresi anfoonnita huwati. Aleqa Gebire Haanna konne mancho hayyotenni qeelinno.
Qaru coy:-“Dogate wo`naaltooti! Ay geeshshano busule ikkootoha lawihero mitto barra waaga baatakki digatanno
Bakkalchoo Dotteessa 14/ 2013
