Addisu Adoola
Gogu bulaasa iibbado, shamanna hunkuu noo gogu kifilera kalaqamanno dhibbaati. Ikkinohurano tini bulaaso lekkate hoowira, lekkate qubbe mereero, lekkate kofiranna qarqarira roore leellanno.
Kaima
Bulaaso mittu manchinni wolu manchi widira hattono mittu mannimmanke bisinni wole mannimmanke bisi widira taraawanno.
Silippeere, fooxa, kaalsenna lawannore soorrire uddi’ratenni
Manni bati’ranno dargubba mulla lekkanni ha’ra
Lekkate farcacco mereeri hunkiinna shamme bulaasote injiino akata kalaqqanno
Addi addi xisso lawishshaho: sukkaarete dhibbi mannimmanke dhibba gargadhate dhuka ajishatenni bulaasote reqecci assitanno.
Malaattanna Buuxo
Lekkate farcacco mereero woy lekkate hoowo lowo geeshsha hangaarsiisa
Hangaadhinanni woyte sholoolamannonna giggilanno gogi
Dhibbu kaajjanno woyte qole gogu dardhamme, ooiicha baakiteeriyu gawajjora reqecci yaa
Siimaho, kofahonna aliidi giddoodi ofollanchi qarqara duu’ma woy hangaarsiisa
Hiikkuyno mannimmanke bisi aana leellanno qale qasi’rino duumo hangaarsiisanno shifi yaannori
Culunqa ficiira ikkite afanturo qole culunqa baqqalate widira soorra, መጨርመት nna danimalsa
Qaaqquullu aana hangaarsiisannokki umu danancho hunanna luqqaasa
Laabaraatoorete xiinxallonni buuxate dandiinirono roore yanna malaatta afa ikkitanno Gargadhinanni Doogonna Xaginaate
hakimetenni buuxi’ratenni dhibbu bulaasote ledo lawanno wole qarra ikkinokkita buuxa
Bulleete gede giggishshinanni woy buudhinanni xagicho horonsi’ra
Kuni kaa’la hoogiro kiniinete garinni qixxaawino xagicho hajanjahera dandiinanni
Mitu mitu manni bulaasote wirro amadamiro xagichu loosinonsakkiha lawannonsa
Kuni ikkannokki gede kaimasi gargadha, shamme gargadhanna xaphooma coichimma agadha
Bulaaso lekkate wole addi addi mannimmanke kifilla tarraabbara dandiitannohura lekkate coichimma agadha, lekka fugganno koatte wodha hooga, kaalse barru baala soorri’ra, lekka dhiwanturo hakkawoytenni xagisi’rate.
Bakkalcho Bocaasa 16 / 2014
