Wedellichu mitto geercho xaade xa`mo xa`ma hanafi; “Qaagittoe?”
Geerchu “Diqaagoommohe” yii.
Wedellichu “Ate rosaanchootiwe” yiisi.
Rosiisaanchu geerchino “Xa mageeshsha iillotto?” yaatenni xa`misi.
Wedellichuno “Rosiisaancho ikkoommo” yee qolisi.
“Addintanni tashshi yaanno. Ane gede?
Wedellichu “Ee! Adda coyi`rate rosiisaancho ikkoommohu ate lawishsha assireet”
Geerchuno wedellichu rosiisaancho ikkate mamoote gumulinoro afate quqquxaminohura xa`misi. Wedellichuno aantanno harancho dhagge kula hanafi.
“Mitto barra jaali`ya baxissanno saate mite amade rosu minira day. Tenne saate lowo geeshsha baxoommohura adhammora hasirummo. Hakkiinni kiisesi giddonni moore adhummo. Shiima yanna gedensoonni jaali`ya saatesi adhinoonnisita afinohura rahe rosiisaanchoho ku`li.
Atino kifilete rosaanora “Kunni beettira techo saatesi moorantinosi. Moortinoonniri rakkine qollesi” yite coyi`ritto. Qola hasiroommokkihura sammi yuummo. Ani adhoommo yee fulannoha hoogittoti waalcho cufitto. Ka`ne uurrineemmo gede hedisiisittonke.
“Saate afanta geeshsha mittu mittunku kiise qorqorattora ikkinota; kayinni hakkuu albaanni illenke ximbiilla hasiissannonketa kulittonke.
“Hajajokki gedeno assinummo.
“Mittu mittunku rosaanchita kiise qorqora hanafitto. Ane kiise qorqoritto yannara saate afidhe adhitto. Kayinni qoqorakki diuurrisoottonka. Gudde ka`eno “Illenke fanneemmo gedenna saateno afantinota kulittonke. Ikkollanna kayinni saate ani adhoommota rosaanote dikuloottonsa, sayisseno dioottoenka. Mooraanchu aytiro horontanni dikulootto. Biiro woshshite diinoseejjoottoe. Hakko barra ayirrinye`ya agarootto. Hakko barri heeshsho`ya giddo saalfachishanno barraatinka. Ikkirono hakku barri mooraanchonna busha mancho ikkeemmokki gede sheemaate e“ommo barraati.
“Hasiisanno garinni sokka huwatoommo. Halaalaanchu rosiisaanchu maa assa hasiissannosirono einoe. Galaxxeemmo. Konne qaagatto?”
Geerchu rosiisaanchino “Hiitto diqaage emmo! Baali`ne kiise qorqoroommo barri hiitto ba“annoe? Kayinni ate diqaagoommohe korkaatuno anino ille`ya ximbiilleetinka ki`ne kiise la“oommohu.
Afitto! Togooti rosiisaanchimma. Rosiisaanchimma wole manna qaccete geeshsha kaa`late wo`naalate, laoottokkire laoommo yite faradatenni qorophate. Rosiisaanchimma rosiisattore afate, baxanna hee`rate. Rosiisatto woyte leellammatenni, boo`natenninna muddamatenni ikka dinosi. Heeshshi yaatenni, cincatenninna ayirrisatenni ikka hasiissanno.
Konneeti geerchu rosiisaanchi jawimma… wodancha… hayyo. Mannimmasi xiiwo assitannosikki gede hedatenni illesi ximbii`lino. Hatto ikka hoogeemmero kayinni mooraancho rosaancho halaale fushshatenna seera agarsiisate yee sayse aanno gede jifannosinka. Xiiwino assannosinka.
Bakkalcho Bocaasa 2, 2014
