Forfore seedu dirira suffanno umunna albu gogi aana kalaqantanno gogu rifanteeti.
Kaima
Kalaqamunni gogu giddo afantanno bulaasote/fangasete dani gogaho sumuu yitannokki qiwaate finca
Yaaddo woy mitu mitu dhibbi goga hoxooxatenni forfore batisanna la’nanni
Forfore mannunni mannaho taraabbannokki, sagalete dani soorrannokki dhibbaati.
Malaattanna Buuxo
Waajju moolu woy qiwaate afi’rinohu sholoolamanno shifi yaannori umoho, albahonna dananchu aana leella
Umo qooncho lowo geeshsha hangaarsiisa
Baxxino garinni faranjete woy waajjuullu manni aana sanote guraanna qiniiteenni, maccate badheenni, gaaru qarqari duu’mann
Dhibbu batinyunni labballu aana mittu diri albaanninna qeedhichimmate yannara hanafe leellara dandaanno
Gargadhinanni Doogonna Xaginaatesi
Dhibbu korkaata linxetenninna tittirshunni sayinse iillitinokki daafira hegeraame ikkitino hurre dinosi
Kayinni dhibba qorqorshu hunda assitata shaampo duucha woyte horonsi’ra dandiinanni
Dhibbu qorqorshu gobbaanni ikkiro woy gagasunna wole mannimmate biso iilliro hakimetenni bulaasote kiniine hajanjahera dandiinanni
Mitu mitu manni forfore hunanno xagicho loonsannikkihu tirfete yine shaampo duucha woyte hidhinanni hee’nammora assate ikkino gede ammantanno
Kayinni tini hedo so’ro ikkitanna, sayinsenna tekinoolooje abbitino xaginaatu industire ammana hoogatenni daynoho.
Bakkalcho Bocaasa 2, 2014
