- Mannu hifatamannohe gede ikkitooti.
- Hurbaateho koysante hoteele eitto gedenanni baattannohu wolehona yite akkimale sagale ittooti.
- “Ko beetto xaa geeshsha seenne woy mine di kalaqi’rootto/tta? Xaa geeshsa ooso di-ilootta/tto? Xaano digire dirosootto/tta?” diyinanni.
- Mannu hurbaate itanni hee`reenna hinko qaqqasidhooti. Gansho fushshidhooti.
- Mannu hasaawe guda geeshsha mereeroho e`ooti; guda geeshsha cincite macciishshate hifatantooti..
- Jaalakki woy wole ledokki hee`ranno manna haariimote gidoonni kissooti. Manna ati togooho yite baxannokki coyee coyidhooti. Manna giirate yite coyee batidhooti. Roorenkanni jaalakki woyi ledokki loosannoha loosisinni jawaate qaafanno gede jawaachishi.
- Shiimano ikko Manchu beetti atera assinori danchu coyi hee`riro galatte sa”i.
- Mannu loosannoha dancha looso
- laittoro wodanu do`nicha ikkitootina jawaachishinsa. Manchu beetti busha looso losanna laittoro callisi noowa amaalisi.
- v Busha hedo aatenni umokki eemarante
- afiikkinni danchu coy fulanno gede assi.
- v Mannu fayyimmate uurrinshara ha`re daanno woyte dhiwinonsa gara xa`minsa. Insa kultinoherinni aleenni wole xa`mo xa`mate muddantootina kaaliiqi hursannonsa gede huuccinsa.
- v Mannu silkensa giddo noo foto leellishihero calla lai. Insa leellishinohe fotonni wole la”ate qarrisooti. Manchu beettira umisiti mannu la”ara hasi`rannokki fojo noosinna.
- v Manchu beettira aatto ayirrinyi mittu daniha ikko. Dureessaho, buxichoho, xumaho, xumiweeloho, shiimaho, jawaho hattono biiltote noohe ayirrinyi taalo ikko.
- Mannu ate hasaawisanna ati silke qaqqasooti. Manchu beetti angate loonsoonnirichinni aliidihona.
- Mannu fajjihekkinni insa mereero e`ooti.
- Ate ledo keeshshe xaadino manna kaajjado xa`mo xa`mitootinsa. Mannu damoozansanna dironsa kula giwate qoosso noonsata buuxa hasiissannohe.
- Buximate hedo giddo heedhe dureeyyete ayimma daafira coydhooti. Ooso noohekkiha wole ooso noonsa manni akati daafira insa togooreeti yitooti.
- Mannu silketenni borreesse sokka soyhero sammi yitootina danchu amanyootinni wirro borreessite qoli. Kone gade assi`ri.
- Udduunne arigidhe adhitto gedensaanni hajakki guxxitoro uduunnu anni xa`mihekkinni rahotenni qoli.
- Dancha hedooti yaattota daga hasaabbe danchanna busha hedonsa wortona waajjitokkinni cooyri. Kaysootto hedora dancha hedo ka`ukkinni digatanno. Waajjattoha ikkiro wo`ma woyte waajjaancho ikkatto.
Bue:- Dr Mihiret Debbebe Afiriku Fullankete Akadaame Pirezidaanticha
Bakkalcho Birra 18 / 2014
