Qarru nookkiha faffo di heedhanno. Qarrunni ronsanni faffo kayinni coommishi’nanni. 2013 M.Diri Itophiyaho qarrano faffono la’noonni dirooti.
Koroonu fayya mito goxissino;mito kayinni hegerera geegiissitino. Daddalu millimmono taxi yiteenna koroonu fayyanni ittisamme sa’noonni dirooti 2013 M.D. kottimmate aana boddimma yinanninte gede, intanninna qaammanni sagalete laalchi giira kaxxino diro Maaskenna Sanitayizere hidhate gadachama qansootaho wole fulonna jifo ikkitino diri sa’u lame dirraati. 2012 m.d boco lendiro yaate.
Koroonu fayya gargadhate qanbaachinanna 2013 M.diri Juntu fayya kalaqantu. Aliyyeenni juntu kalaqino olini hedeweelcho seedu dirira gatamadhinoonni Aliyye hajajo olanto mittu hashshinni reyitu. Konne harunse kalaqamino gobba geisate qaafonni keeraano qansooti lubbonsa hooggino;qaensanni darantino. Miinjinsa billaallin.
Mittu qansichi miinji billaalla gobbate hude kalaqantanno gede irko assannoti addaho. Olu danchi dinona kawaanni koroona olammanna kawaanni juntu ledo oli Itophiya jifino diri 2013 M.Dirooti.
Kawaanni juntu Olanna Itophiyu Hiddaasete kofatto wonshara ka’’anno wote amma’noomma afale qaltitinoe yinanninte gede Jo bideni Ameerika gashshate daanno gede huuccatto assinoommosihu Anga wore Hiddaasete kofatto gufisate Gibitsetee ledo halamate wo’naalshino addi jifooti Itophiyaho sayinsummo dirira.
Lame di hunanno maganuna kuri shetto giddoonni Itophiyu baca sewo afidheno sa’ino. 2013 M.dirinni bitaamma wocawaarote agani gedensaanni Itophiyaho Mangiste di heedhanno yite gojidhurono bitansa hexxo calla ikkiteenna kalqete macca goshooshino doorshi,co’ichunna dimokiraasaawe doorshi ikke sa’i. Kunino diinaho afoo amadisiise Itophiyaho jireenyu ba’latto uddisiisino. Aanteteno Wocawaaro 24/2014 M.D kaajjado Itophiyu mootimma uurritara feeffate afantanno.
Hiddaasete kofatto layinki doyicho waa wonshate loosino 2013 M.dirinni kalqe maala’litanna jeefo gani. Konni korkaatinni kalqe Itophiya hasaawu umo assite sa’ino. Halantino ga’labbote Amaale mini lame sase hige songo ofollinohu Itophiyu Hiddaasete kofatto aana ikkanna lame sasenti songo Itophuyu halaali kalqete xawanno gede assite diina irraawissinote.
Sai diri Itophiyaho lame sase jifonna eltono amade saino. Eewa;jifotenni ronse 2014 M.dirinni kaajjadonna bilchaata Itophiya kalqoomaho leellinsheemmo diro ikka noosi. Sai diri giddo leellino dancha waata sufinse,qarra kayinni caakkeessu gede assine adhine tiratenni diina saalsiinseemmo diri konneeti.
Juntu kalaqino oli korinni Itophiyaho 100 diri giddo anfe egenninoonnikki Olanto kalaqantinota sa’u lamalara IFDR Xaphoomu ministirchi buuxise saino. Kuni olu korinni afi’noonni dancha kaayyo gede assine la’nanni waataati. Xagicho hursannoronna hoogannoro wo’naallannihu yemakkunna galashshu hee’rirooti. Itophiyu olantono hattonni kalqete kaajjadda ikkase Juntu wo’naalshahollana hasatto kayinni kalqete luphiima olanto Juntu aana rosiisi’ne gatamarate.
Haaru diri haaro faashonni hanafino. Hakkuy aana haaro mootimma. Qarru hayyo rosiisanno. Konni daafira sayinsummo qarruwa dancha kaayyo gede horonsi’ne rosu gede assine adhine Itophiya jireenyu ilaali aana wora qansichimmate gadachooti.
Sa”annokki qarri dino.sewonkeno suffanno. Itophiyu jireenyase buuxisse kalqete maccata ikkitanno;ikkitinono. Konnira sai diri giddo kalaqamino qarri widoonni irki’ne 27 dirira billaallite keeshshitino mittimma qolloommo.kunino Itophiyimmanke ayemmaati. Tenne dago horonsi’ne gobbanke latinse diina saalsiinseemmo diro ikkonke!
Bakkalcho Wocawaaro 6, 2014 M.D Hamuse
