Addis Ababa:- Meessaneeto dandaatenna gobbate giddora e`anno uduunne riqiwanno laalchinni soorrate dandiissanno gobboomu ajuujanke gumaa`mitannohu sufo noose kalaqonninna kaajjine loosatenni callaati yee xaphoomu ministirchi Abiy Ahimed (D/r) xawisi.
Xaphoomu ministirchi Abiy Ahimed (D/r) dagoomittete qooli aana sayisino sokkanni; meessaneeto dandaatenna gobbate giddora e`anno uduunne riqiwanno laalchinni soorrate dandiissanno gobboomu ajuujanke gumaa`mitannohu sufo noose kalaqonninna kaajjine loosatenni callaati.
“Dandoo Itophiyu” heewonni wedellu dandoonsanna hedonsa tirote noonsa loosu kalaqubba widira soorrite gumultanna la“a’yyanni hagiirraamoho yiino.
Kalaqote loosi aana bobbakkinore jawaatte yaanni, wolootu wedellino dagoominketa mudditino hasatto xiinxallitannonna gobbansa owaata dandiitanno malubba kalaqqanno gede jawaachisheemmo yiinohu xaphoomu ministirchi; ledotennino daddalu dagooma lede baalunku hajo la`annonsa bissa kurinna woloota kalaqaano wedellaha laashshate dhukansa lossitanno assate irkissanno gede woshshatto shiqishino.
Gaazeexu odeessaanchinni
Bakkalcho Badheessa 18, 2017 M.D
