Qaaqquullu maccansa goshoosha giddoydi maccate kifile madi’rate (Otitic Media) mitto malaateeti. Maccate madi’ra roore yanna Baakteeriyunninna Vayresetenni kalaqantanno. 80 anga xibbuunni ikkanno qaaqquulli 3ki diri ilamishshansa ayirrisansara albaanni ajayi ajeenna mitte higge konni qarrira aamantannota xiinxallo xawissanno. Kuri qaaqquullira kaajjinokkihu dhibba gargadhate amanyooti hee’rannonsa daafiranna Maccansa Afuunna Sanote ledo xaadissanno boombe (Stachian Tube) haawiitto mite ikkasenni duucha higge konni qarrira reqecci yitanno.
Wolootu konni qarrira reqecci assannori:-
* Qaaqquulle goxinse qansa
* Qorqorrote ado horonsi’ra
* Rosiinsanni Xuunxo (Injeera Innat) batinse aa
* Daaimu hoshshora hosiisi’ra
* Ganshonna amadantino xisso
Maccate madi’ra malaatta
* Qaaqquullu maccansa goshoosha
* Maccate xisso
Caaccaawa
* Iibbabba
* Maccate giddonni ooichunna wolu du’namaanchi fula
* Tushshiishanna deeiishsha
* Wi’la
* Macca giddo leellishanno uduunnichinni (Otoscope) maccate giddoydi kifile darsha woyi duu’ma hattono du’namaanchu fulara dandaanno.
Maate aleenni xawinsi malaatta leelturo rahotenni fayyimmate uurrinshara massatenni qaaqquullensa xagisa hasiissannonsa.
Qaaqquulle umita Lee aganna unuuna calla qansatenni, kattawisiisatenni, hattono coimmansa agaratenni maccate madi’ranni gargarate kaa’litanno.
Maccate madi’ra rahotenni xagisa hooga maccate giddoydi kifile (Taambure) dadhamaranna haxo qiqqishanno dhibbira hattono macciishshate qarrira reqecci assitara dandiitannohura yannatenni xagisa hasiissanno.
Bue:- D/r Henok Zewudu; Qaaqquullu addi xagisaancho
Qiddist Gezaheny
Bakkalcho Woxawaajje 20 , 2013 M.D
