Addis Ababa:- Itophiyunna Cheeki Ripebiliikete gargarooshshu handaarinni keeshshitino halammensa halashshatenni giwirinnunni, shiilote latishshinninna turizimete handaarinni gutunni loosatenna halammensa kaajjishate sumuu yitino.
Xaphoomu Ministirichi Abiy Ahimed (Dr), tenne lamalara Cheeki Ripebiliikete mootimmaha Xaphoomu Ministercha Peetir Fiyaala borrosi mine faajjetenni haarinosi.
Lamunku massagaano harissino lamooshshu hasaawi aana gargarooshshu handaarinni keeshshitino halammensa halashshatenni giwirinnunni, shiilote latishshinninna turizimetenni halammensa kaajjishate gumultino.
Cheeki Ripebiliikennihu Xaphoomu Ministerichi sa`u muli barrubba giddo Itophiya dayee towaanyo assasi lamente gobbuwa mereero noo xaadooshshi roorenkanni kaajjanni daynota leellishannoha ikkasino xawinsoonni.
Abrahaam Saamueel
Bakkalcho Bocaasa 20, 2016 M.D
