Addis Ababa:- Kaajjado keenotenna qorqorshu amanyoote buuxisatenni amandoonni mixo jeefisate sharro assinannita xaphoomu ministirchi dokter Abiy Ahimedihu coyi’ri.
Ministirootu amaale mini ledo amandoonnita 2016 M.D umikki bocu boci jeefishshi keeno gumula hananfoonnita xaphoomu ministirchi dokter Abiy Ahimed xawisino.
Xaphoomu ministirchi dagoomittete qoolisi aana sayisino sokkanni; xibbuu barri keeno rosamino garinni jawaatu qorqorshinni dukkisante suffannota qummeessino.
Xaa 100 barri keenohu qaru illachi kaajjado qorqorsha assatenni amandoonnita gobboomu mixo gumulate ikkinota xawisino.
2016 M.D amandoonniti xaphooma mootimmate mixo baxxinohunni buuxa hasi’nannihu gobboomu lopho sai dirinni lexxase ikkinota qummeessinohu xaphoomu ministirchi; kaajjado keenotenna qorqorshu amanyoote buuxisa hoongiro hala’linshe amandoonni mixo jeefisate mitiinsannota qummi assino.
Xaphoomu ministirchi egensiisino garinni; keeno jeefantuhu gedensaanni deerru deerrunkunni hasaawa assine ledote qorqorshu looso qoqqowubbate gumullanni.
Qiddist Gezaheny
Bakkalcho Bocaasa 13, 2016 M.D
