’Haaru diri mittimma kaajjitannoha; wo`ma wolqankenni latishshaho bobbankeemmoha ikko”- Kalaa Desta Ledamo Sidaamu Qoqqowi Pirezidaante

Addis Ababa:- Baalunku Itophiyunna qoqqowinke dagara hawalle 2016 M.D haaru diru soorro ayyaanira keerunni iillishi`ne yee Sidaamu qoqqowu mootimma pirezidaantichi kalaa Desta Ledamo dancha halcho sokkasi sayisino.

Pirezidaantichu sa`u sase dirra kawa qoqqowinkera duuchu handaarinni latishshu ragubba mixi`ne gumaa`minoommo yannaati yiino. Tenne latishshu mixubba gumulate injaanno garinni hodhinoommoha ikkikkinni jiffanno qarrubba hayyotenninna wodanchatenni sa’’ankenni ikkanna; wole widoonni gutunninna qinaambete loossa gumulankenniti yiino.

Latishshunna miinju lopho mittu barrinni kalanqannita ikkikkinni baca barrubba, agannanna dirrate harinsho giddo sharramme afi`nanni soorrooti yiinohu pirezidaantichu; konnirano, murci’raanchimmanna cinca xa`manno yiino.

Wole widoonni, latishsha ollohisate daga mittu illachi aana uurranna gutunnita ikkitino uurrinsha heedhansara gadachaho yiinohu pirezidaantichu kalaa Desta; mittimma latishshu harinshoranna rankete hasiissannota qummeessino.

Qoqqowinke dagoomi latishshanna lopho gufissanno diigaanonna hi`naanchu laooshshinni umonsa xeertisatenni, mittimmannitanna gutunnita ikkitino budillitte balchooma kaajjishe amadatenni albankeenni noo dirrara latishshu raginni mootimmate qote uurratenninna mitteenni loosate ka’’a hasiissannota huwachishino.

Lophonke hasidhannokki wolquwa dagate latishshanna lopho gufissanno hayyubbansa giddonni mittu shokkino laooshshe dagoomu giddo wixatenni dagate mereero gibbo kalaqatenni mittimma huna mitto illachansa ikkanna; konne bunshete assootensa huwante hedonsa dunneessatenni roore qoqqowinke latishsha ollahate mittimmanke kaajjinshe saalsiinsammonsara hasiisanno yiino.

Mootimma seeda latishshu Istiraateeje fushshite albillitte wiinamunni hodhate aana heedheenna hendoonni bikkinni qaaffannokki gede gufissanno doogga giddonni mittunna qarunni kullannihu mooranna baincho assoote ikkinota pirezidaantichu xawise; qoqqowinke mootimmano konni assooti giddo beeqqitino hallanyoota rahotenni seeraho shiqinshe seeru qaafo adhinanninsa gede assinanni afammanni yiino. Bainchu assootinna mooru aana adhinanni hee`noonni qaafo kaajjinshannitano xawisino.

Gobbanke lainohunni daanno diri mittimma gibbanno wolquwa diriirsitinonke qarrubba tattayinsanni Itophiyunnita albillite hexxo gumulate sharrammeemmoha; hattono dagankera qambara ikkitino buximanna ola wirro hinkiiltankera ka`ino wolquwanna sharrete poletikinna gibbo qiiddanno diro ikkannono yiino.

Aantanno dirrara duucha dagooma amaddino Itophiya jireenyu widooginse luphi assineemmota; dagannita latishshu horaameessimmanna taaloonye buuxisiinseemmoha; Itophiyaho barri fulate iillinota hendanni yee; haaru dirinni noonkeri wolootaho beehatenninna kaa`lamatenni; qarrantinore irkisatenninna halamatenni ikka hasiissannota xawisino.

Pirezidaantichu amadisiiseno, Itophiyu daganna qoqqowinke daga hawalle 2016M.D diru soorro ayyaanira keerunni iillishi`ne yiino.

Gaazeexu Odeessaanchinni

Bakkalcho  Wocawaaro 3, 2016 M.D

Recommended For You

Leave a Reply

Your email address will not be published. Required fields are marked *