2017 M.D 12ki kifile gobboomu jeefishshu fonqoli qixxaawo wo’munni wo’ma goofasi Gobboomu Rosu Keenonna Fonqoluwate Owaante egensiissu.
608 kumi ali rosaano fonqolo adhate borreessamansano xawinsoonni. Xaa yannara fonqolu qixxaawo wo’munni wo’ma gooffinota buuxinsoonni.
Owaantennihu qaru dayrekterchi Isheetu Kebbede (D/r) Itophiyu Pireesete Uurrinshara egensiisino garinni; fonqolo woraqatunninna dagoomitte tuqu xaadooshshi qoolinni uynanni.
Fonqolu Ella 23/2017 M.D hananfe kalaqamu sanyinse rosi handaarinni hanafannotanna Maaja 8/2017 geeshsha uynanni.
Bakkalcho Onkoleessa 14, 2017M.D
