Addis Ababa:- Haaro mootimmate loosaasine qaxara lainohunni uynoonni xawishsha wolewa qolle tirroonnita Dagate Riqiwamaano Amaale Mini Mootimmate Qaru Woshshamaanchi Kalaa Tesfaye Beljige coyi’ri.
Kalaa Tesfaye Beljige Uurrinshankera xawisino garinni; Womaashshu Ministirchi Kalaa Ahimed Shidehu 2016M.D Mootimmate baajeette lainohunni Paarlaamaho shiqe uyno xawishsha doogosi soorrine tirroonni.
Xawishshu amado haaru diri baajeettenni mootimmate illachi mootimmate loosaasine dagate giddo ka”anno koffeenya tirate dandiisiisanno laooshshe, egenno, dandoonna tekinolooje horoonsi`nanni gari hee’ranno gede assine guma abbanno gede assate xawisinoho ikkinnina loosoho hasiissanno wolqa heedhuro loosaasine qaxara didandiiannni yaannoha dikkino yiino; kalaa Tesfaye.
Mootimma mitticho loosaasinchono qaxara dandiitannokki gede assine wolewa qolle tirroonniti polotiku horo afi`rate yineeti yiino. Gobbate 2 miliyoone ali loosaasine noota xawisnohu Mootimmate qaru Woshshamaanchi; mootimmate loosaasine widoonni addi addi xa`mo ka`anno. Mitto widoonni loosaasine woffi yiino damooza baantanni daafira hee`ra didandiitinona maa assa hasiissanno yitanno xa`mo mootimmate ka`anno.
Wole widoonni qole, tenne yannara mootimmate biiro giddo owaante aate widoonni qarru noota, moorunna bainchu assooti qarri soorrote giddo woyyaawa hasiissannasi hasi`noonni garinni soorro dagginokki gari noota kulino.
Konne qarra tirate xaphoomunni gobbate deerrinni Sivil serviise gummaame assate hajamaano dancha owaante afidhanno gedenna latishsha olloha assitannoti mannu wolqa heedhanno gede umose dandiitino mixo qixxeessine millimmo hananfe hee`noonni yiino.
Konni kaiminni, tenne hanqafonni mootimma wortino faasho manna qaxara didandiinanni yinoonni ikkinnina loosoho hasiisanno manni mittu woy lamu hiikko baychono diqaxaramanno yaa dikkitino yiino.
Mootimmannihu qaru qeechi hallanyu handaari kaajje hala`lanni sufanno gede assate, loosu kaayyo qineessate, hattono qansootu looso kalaqqannore ikkite dikkote giddo ea dandiitanno gede injeessa ikkinotano lede huwachishino.
Abrahaam Saamueel
Bakkalcho Maaja 20 , 2015 M.D
