Itophiyunniti lekkate kuwaase Federeeshine 2014ta priimiyer-liigete beeqqaano kilewe lainohunni 2kita doorshshu gumulo sayinsoonni.
Gumulo sayinsoonnihu loosu gumulsiisano komite miilla tenne lamalara wiinamu gambooshshe ikkasi buuxisiinsoonni.
Sa`u lamalara Itophiyunni lekkate kuwaase federeeshine Tigrayte qoqqowi lekkate kuwaase federeeshine, Tigrayete qoqqowi kilebbanna qoqqowu ispoorte komishine ledo hasaawa harissinnoha ikkanna kilabbano nooha yannate akata huwachishatenni 2014 heewote dirira beeqqate hasatto noonsa gede egensiissinoti qaangannite.
Ikkollanna womaashshu hajo mitiinsitannonsa ta huwachishatenni aanteteno kilawete aliidi massagaanonna Tigraayete qoqqowi yannate gashshooti ledo hasaawatenni jeefote gumulonsa harancho yanna giddo egensiissanno gedenna Itophiyunniti lekkate kuwaase federeeshineno kilebbate gumulo agadhanni layinki doorshshu gumulo loosu gumulsiisaano komitenni aantete gumulatenni egensiisannota suumiimmete aana illinoonnita qangannite.
Kunni garinnino Itophiyunniti lekkate kuwaase federeeshine loosu gumulsiisaano komite Makisenyote barra harissino wiinamu gambooshshinni Tigraayete qoqqowi priimiyer liigete kilebba wolqate alee ikkino korkaatinni kilebbate borreessame yanna agarte borreessantannokkihanna beeqqitannokkiha ikkiro wole doorsha wora hasiissannoha ikkasinni gumulote doorshsha sayissinno.
Umihu 2013 Itophiyu primiyer liige, liigete deerrinni deerru woroonni ikkite qaccete noo kilebba 2013 jawiidi liige heewo sasente gaamora 2ki deerra amadatenni jeefissino kilabba bixxillennita mitte doyicho heewo assatenni woyyabbino bixxille afidhannori deerrunni 1ki -3ki geeshsha ikkite jeefissanno gaamubba Tigraayete qoqqowiri primiyer liigete kilabba beeqqo agartannoha ikkanno.
layinkihu Tigraayete qoqqowi kilawe priimiyer liigete kilawennita borreessamate yanna agarte wo`mu wo`ma beeqqitannoha ikkiro layinki doorshshi gede shiqqino hedo gatteenna Tigraayete qoqqowi kilawe beeqqaano ikkitanno.
Sayikkihu Tigraayete qoqqowi kilawe wo`mu wo`ma beeqqitannokkiha ikkiro loosu gumulsiisaano komite gumultino garinni bixxilletenni heewisante 1–3 geeshsha fultinno kilewe 2014 primiyer liigete heewo Tigraayete qoqqowo kilawe darga wo`mu wo`ma reqibbe heewisantannoha ikkanno.
Shoolkihu Tigraayete qoqqowi kilebe 1 woy 2 kilabe liigete beeqqate borreessantannohanna wolootu beeqqitannokkiha ikkiro loosu gumulsiisaano komite gumultino garinni bixxillete heewonni beeqqite 1–3 geeshsha fultino kilebe mereero woyyaabbino bixxille borreessiisihu antetenni priimiyer liigete beeqqitanno gede assinanni.
Tini heewo ella 18/2013 m.d Hawaasi quchumira harisama hanaffanno. 2013 Itophiyunniti bet kiingete priimiyer liige deerraho woroonni noori sase kilabe jawiidi liigera gaamo gaamotenni 2ki deerra amadatenni jeefissino kilabe ledo bixxillete heewo harissanno.
Jawiidi liigera 2ki deerra amadde jeefissino kilebenni babbaxxinno korkaatinni beeqqa dandiitannokki kilebe wole kilebenni bayichonsa riqiwamikkinni noo kilabenni heewo hardhanno.
Tenne heewora beeqqitanno kilabe doortanno godo`laano 2013 kilabete TSR borreessantinore calla ikkitanno gede Itophiyu lekkate kuwaase federeeshinenni afi`noommo mashalaqe leellishshanno.
Abebech Maatewoos
Ella 3 , 2013 M.D
