Itophiyu qixxeessonni harinsannihu Soojjaatinna Mereerimu Afiriki Lekkate Kowaase Mittimma Amaale Mini (Seekaafu) 17 diri wori lekkate kowaase beeqqaano gobbuwa Addis Ababa e`anni afantano.
Beeqqitanno gobbuwa mereero Birundi, Wodiidi Suudaanenna Somaliyu 17 diri wori gaamo Maakisanyote hashsha Addis Ababa e`inota Itophiyu Lekkate Kowaase Federeshiine egensiissino.
Seekaafu Lekkate Kowaase heewora umi gaamora Itophiyu, Taanzaaniyu, Ertiru, Somaaliyunna Wodiidi Suudaane hattono Yugaandu, Ruwaandu, Jibuuti, Suudaanenna Birunde lamente gaamora gaamantino gobbuwaati.
Ikkollana, beeqqitanno gobbuwa mereero Ertirunna Ruwaandu baajeettete ledo amadamino qarrinni heewotenni meessansa badhera qoltinota Federeshiine egesniissino. Heewo qeelte layinkihanna sayikkiha fultanno lekkate kowaase gaamo, Seekaafu Zoone riqibbe Aljeeriyaho Ammajje aganira 2015 M.Diro harinsanni Afiriku 17 diri wori Lekkate Kowaase Shaampiyoonera beeqqaano ikkitanno.
Heewo Wocawaaro 21nni kayisse Birra 9 geeshsha Abbebe Biqilihu xawira (Istaadiyemete) harinsannita Itophiyu Lekkate Kowaase Federeeshine egensiissino.
Lame gaamora bande harinsanni heewora Itophiyu ledo 10 gobbuwa beeqqaano ikkatanno buunxoonni.
Abrahaam Saamueel
Bakkalcho Wocawaaro 19, 2015 M.D
