Danchumma assannohura afanshu hasiisanno. Qarru barra noommo’ne yaannohu kayinni faffote barra assinanni kaa’lonni addintanni luphiimaho. Senater Jim Infiyo addaho leellishino Itophiyu qote uurrasira jawu ayirrinyi hasiisannosi. Faffote barra uyinoonni Miliyoone birrinni qarrunna shettote barra assinoonni mitte saante irko woyyitanno. Xa Itophiyu hiittenne yannannino roore qoteho uurrannosehura noose base luphiimate.
Itophiyu baxillaanonna hale ikkitino gobbuwara hundinni kayisse baxillese ‘’Seeda yanna baxillaanonke,Seed asana kiirsiissino gobba…’’ yitanni guwishshunni woshshate gobbaanni bunshetenni kayissanno dhaggete diini dinose. Xaaleena nafa kade gashshara dayinoha qeelte shorriturono xaa yannara mittimmatenni loossannorinna xaadisannori bacuri noota kullanni. Xa gobbate poletiku ikkito giddo roorenkanni soorro harunsite;gobbate hananfoonni qaafe sa’ate wiinamu harinsho gufisate addintanni batidhino;Itophiyu dhaggenni anfe egenninoonnikki guffa xaaddanni afantanno yannaati tini. Kuri gobbaanninna giddo afantanno Itophiyu diinna mitteenni halamatenni Itophiya jiffanni afantanno yanna tenneeti.
Seeda dirrara baxillunni keeshshitino ,rooru Itophiyu qansooti baxxino baxillinni la’annonsari,Ameeriku massagaano nafa gattukkinni soorrote faasho danote giddo tuggannori taashshe la’ate tii’’insa soorrameenna hekko kalaqanni afantanno. Ameerikaho waajjo gashshoote bissa addi addi yannara Itophiyu aana hasiissannokki gumulo sayisatenni gobbanke jawu qarrira reqecci assitanni sa’ino yanna shiima ikkitinota ikka hooggurono xaati kayinni hekkitannote.
Itophiyaho 27 dirobiilloonyu aana keeshshino kadote gaamo, daganke aana luphiima mannihimmate qoosso kado,Dimokiraaseteqoosso fuggoonna gobbate jiro mulqitanni keeshshitinoti ayerano di -maaxantinote. Tini gaamo wirro higgannokki gede madaaranturono Bayideni gashshooti kuri cancishaano HWHT gaamora wirro muqaaqqanno gede asse fooleessa worate gobbate hekko kalaqansa duucha Itophiyu daga wodana hiiqqino.
Mitto widoonni mannihimmate qoossoonna dimokiraasete xawaqa’neeti yaanno biilloonyu aana afamanno dimokiraatikete mangiste,Itophiyu jawa hexxo assidhino Dimokraase gatamarate hanafo gufisate; tenne cancishaano gaamo buluulu gede billaallitino diilallo gamba assatenni fooleessa worate assitanni noo harinsho;Itophiya Dimokraatete paartenna Bayideni gashshootinni hexxo assitino adda tunsiisino.
JO B ayideni gashshooti xawoho leellanno Cancishaano HWHAT berootanna techota kakkacha assoote lae,lainokkihu gede ikkatenni;macciishshe macca’ya hashuwaho yaatenn;woxunni hidhinoonni kalqoomu tuqu xaadooshshi ogeeyyenni, woxunni hirantino hekko iillishshannorinninna gobba kaaddino albi gashshaano sokka adhatenni iillishshanni noo hekko Ameerika labbanno bayira gobbanna seeda diro kiirsiissinonna dhaggete xaadooshshi noose Itophiyi aana iillishshanni noo xiiwo horontanni di agarrannite. Ameeriku hundi xaadooshshe hedote giddo worate gede Itophiyaho agawo tuga ga’ara dancha ikkitinokkita kalqeno huwata hasiissanno.
Rooru Itophiyu qansooti sa’’ihu Donald Traampi Itophiyunna Itophiyu Qanssooti horo aana harisanni keeshshino ragimale doogo la’anno wote,Jo bayideni gashshooti woyyaawinore abbanno yitanno hexxo galtinonsankanni. Tenne hedo sinqisidhino duuchu Itophiyu qansooti Ameerikaho heedhannori,Bayideni sa’’anno gede irko assitanni sa’inonkanni.kayinnilla Bayideni qeeli gedensaanni albaanni noo laooshshe sufisanni noota hawa wotella anfi.
Bayideni gashshooti widoonni noo halaali gobbanke dadillisino;daganke haroo soorrote harinsho giddo noo yannara wirro Ameeriku gashshootinni xiiwama macciishantanni heedheenna huurosi gotti asse halaalenna farco Itophiyunna Itophiyu qansootira kaa’latenni; bushu barri baxillaanchimmasi loosunni ;leellishinohu Senaater Jim Inihofe; Itophiyahonna Itophiyu qansootira busha barra dancha irko assino hoshshote manchooti. Konnirano ayirrinyu iillosi.
Senate Jim mitto widoonni cancishaanchu HWHT adda ikkino ayimmasi Ameeriku dagara nna kalqete tenne gaamo bikkanno garinni woshshatenni xawoho leellishino. Hidhinoonni kalqete tuqu xaadooshshi ogeeyyenna albi biilloonyi aana keeshshitino bissa sayissanno mashalaqqe soro ikkitinota kalqete leellishino
Hakkuyinni roore halaaleho macca aa hoogatenni sodhino mashalaqqe kaima assatenni Bayideni gashshooti Itophiyu aana iillishanni noo hekkonna agawo raga ikkinokkita xawisatenni Itophuyu amadino halaale dubbino buko feyaatenni Senater Jim Inhofe gobbatenna dagasera bushu barri baxillaancho ikkasi loosunni leellishino. Togoore kaaliiqi batiso. Ameerikanna Itophiyaho diina ikkite hinkonsa ga’midhanno gobbuwa eemaronsa. Galatu qarru barri golo ikkitanno hallanyootiranna gobbuwara.
Bakkalcho Onkoleessa 26/ 2013
