Abrahaam Saamueel
Addisi Ababa:- Lekkate Kowaase Yooaancho ikkitinota Liidiya Taaffeseta Hindete qixxeessinnanitera17 diri wori kalqete seennu boowe heewora owaante uytanno gede FIFA woshshatto assinose.
Kalqete 17 diri wori seennu boowe godo`lete heewo Birra 1 kaayse 20/2015 geeshsha Hindete qixxeessonni harinsanni.
Heewo massaggannori aliidi bissa ikkinohu Kalqete dagoomi lekkate kowaase gashshooti bissa (FIFA) lekkate kowaasera Yooaanchimmatenni owaante uytanno yooaano babbaxitino gobbanni doorinota faajje assino.
14 qara, 28 kaa`laano, 16 viidiyote yooaano su`mansa faajje assi yannara Afirikunni lame viidiyote yooaano karsino.
Konni kaiminni, Itophiyunniti Yooaancho Liidiya Taaffeseti Afirikunni doorantino lame viidiyote yooaano giddo mitte iese ikkasenni owaante aate woshshinoonni.
Wole Iisiwaatini qansichimma nooti Shiyaana Liichiyati viidiyote yooaanchimma owaante aate doorantinote yee Sookeri Itophiyunnihu odeessino.
Bakkalcho Woxawaajje 26, 2014 M.D
