Yannate gobboomu hajubba aana illachishatenni baxxinohunni cancishaano HWHT,Mootimma diriirsitinota keeru anga xiiwatenni Amaarunna Affaarete qoqqowubba widoonni ola fanansa harunsite Amaaru, Affaarete, Oromiyu, Benishangul Gumuzi qoqqowu mootimma, Hareri qoqqowi adawu amaale mininna Gaambeellu daga noonsa uurrinsha xawissino.
Amaaru Qoqqowi
Cancishaano HWHT gaamo Amaaru daganna mootimma uminsaha latishshu dhuka horonsidhe uminsa lopho buuxisidhanno kaayyo hunate uminni hanaffe konne illacha amadde millissannoti anfoonnite.
Tini ola baxxannoti hunaano wolqa keeraano qansooti, amma’note uurrinshuwa, kalqoomu mannoomittete irko uytanno uurrinshuwa aana iillishshino gano gaamonnita halaalaancho ayimma xawo fushshitino.
Konnira keere hasi’ranno mannu kalaqama ikkino baalinna kalqoomu daga hunaano gaamo giwanna iillishshino danora xa’mamaano ikkitanno gede xiiwo kalaqa noonsa.
Konnira wo’manti Amaaru daga qoqqowu mootimma shiqishshanno woshshatto baqqi yite agadhitannonna hasiissanno qixxaawo assitanno gede Amaaru qoqqowi mootimma kawaanni qolte huwachishshanno.
Amaaru Qoqqowi Mootimma
Woxawaajje 21, 2014 M.D
Bahirdaare
Affaarete Qoqqowi
Cancishaano HWHT hanaffinoha daga gudate assoote kalqoomu daga giwa hasiissannonsa!
Keeraano qansooti aana kakkachimmate assoote dana soorritanni iillishshinori hunaano HWHT seeda yannara mittoo’mite heedhino Affaarenna Tigraye qachu daga mittimma gufissannota ikkitinokkihura hunaano gaamo gaamote gede bande la’’atenni ayirrado Tigrayete daga gatisate iilla hasiissannosihu mannoomittete kaa’looshshi Affaarete widoonni sa’’anno gede dagate kaa’looshshu rahotenni iillanno gede Affaarete daganna mootimma federaalete mootimma; mannoomittete uurrinshuwanna kalqoomu uurrinshuwa ledo mitteenni loossanni keeshshitino.
Kalqoomu daga gaamo Affaarete qoqqowinna Amaaru widoonni fantino olinni kawiinni sa’inota dagate goofo kalaqantanno gede loossanni nooha ikkasinni konne co’ontanni mannoomittetenni xeertidhino ikkito giwatenni mannoomittete qotira uurra hasiissannonsa!
Affaarete qoqqowi mootimma
Mootimmate xaadooshshi owaante
Woxawaajje 21,2014 M.D
Semera
Oromiyu Qoqqowi
Cancishaano HWHT gobba massagganni keeshshitu yannara gobbate mittimma diigatenna daga mimmitinsa ledo kiphisiiste wixxinokkihu gibbote wixi, loossinokki sharre dino. Beronni techo geeshsha tini hunaano gaamo dhaggete diinnankenni adhitino sokko gumulsate Itophiya garetenna amma’notenni babbadde itansiissanni keeshshitino.
Tini gaamo kakkachimmate wo’mino assootinsanni hanaffinoha ganote assootensa uurrisa hoogguro uynoonninsa keeru doorshira sumimme leellisha hoogguro qansootu keeraanchimmara, gobboomu wolambinatiranna mittimmara yite federaalete mootimma adhitannota seerunna buqqeete qaafo kaajjishshe irkissannota Oromiyu qoqqowi mootimma buuxissanno.
Oromiyu Qoqqowi Mootimma
Woxawaajje 22,2014 M.D
Finfinne
Hareri Qoqqowi
Keere hasidhannori qoqqowinke daga adawu wolqa ledo qinaabbe qooxeessansa baqqi yite agadhatenni techono bero gede qoqqowinke daga keereho uurritanno gede amaalete mini woshshatto assino.
Konnira qoqqowu adawu amaale mini federaalete mootimma keereho leellishshino murci’raanchimmanna qaafo wo’munni wo’ma irkisate akati noo gedeenni hee’reennanni cancishaano HWHT gaamo fantino ola galchate hasiisannore baalankare assate qixxaabbinore ikkansa xawisate hasi’neemmo.
Hareri Qoqqowi Adawu Amaale Mine
Woxawaajje 21, 2014 M.D
Hareri
Benishangul Gumuz
Cancishaano HWHT biilloonyu aana keeshshitu dirra giddo dagatenna dagoomu, budu, afuunna ayimmate ama ikkitinota Itophiyu mittimma diigatenna daganna dagooma mimmitinsa ledo gudisiisate hashshanna barra loossanni keeshshitino. Tenne akkimale sharrenni batinye keeraano qansoota shaatenni dhagge habbannokkiha kolishsho bassa worte sa’ino.
Cancishaano gaamo higge higge shiqqanni nooseta keeru woshshatto wirro la’e adhitannokkiha ikkironna ganonsanni suffannoha ikkiro dagate keeraanchimmaranna gobbate mittimma agarsiisate federaalete mootimmanni adhinanni qaafo irkissannotanna yawonsa fultannota Benishangul Gumuzi qoqqowi mootimma buuxissara hasidhanno.
Benishangul Gumuzi Qoqqowi Mootimma
Woxawaajje 22, 2014 M.D
Asosa
Gaambeellu Qoqqowi
Gaambeellu dagoomi qoqqowu mootimma xawishshisenni; Aliyye Itophiyira sufo noo keere buuxisate mootimma hanaffinoha keeru doorsha agurte cancishaano HWHT keere hasidhannokkita buuxissino.
Muli barrinnino Gaambeellu quchumira soqqamaanonsa GANEG nna Shene cancishaano gaamonni iillitara qixxaabbinota akkimale gano adawu wolqanna dagoomu qinaabbino sharronni diiga dandiinoonni.
Qansootu keeraanchimma agarate federaalete mootimma adhitannota seeru qaafo kaajjishshe irkissannota Gaambeellu daga qoqqowu mootimma buuxissino.
Gaambeellu Daga Qoqqowu Mootimma
Woxawaajje 22,2014 M.D
Gaambeella
Bakkalcho Woxawaajje 26, 2014 M.D
