Iidi Alifexiri ayyaani soodo hee’ne maarote, maarotenna baxillu daafira ikkinnina, gibbonna giwansho head qarrissanno Aantete yannano mittimmate daafira ikkinnina babbaxxate daafira faarsineemmo yanna ikkitannokki gede hexxo asseemmo yee;
Qullaawino Remedaanu aganira gobbankera eltonna atoote, keerenna baxille qatuntinoonninna huuccidhinoonni gede baala ayyaanu yannarano hakkuy kawa noo barrubbannino gobbankeranna dagankera huuccatto assa’ne suffinanni gede shaqqillunni xa’mi’reemmo;Tenne yannara bunshe fafinse danchumma, gibbonna giwansho minshe; araaranna mararro riqimbe gobbankera mootoonsinummoro uulla atoote iimano heeshsho agartannonketa dihulaalleemmo yaanni sokkasi sayisino.
Xaate gibbo wixxannori, woloottu roduuwinke ledo gibbo qixxeesitanno, madanke hangaaratenni mundiishshitannonkerira kaayyo diuyneemmo yaatenni Isliminnu amma’no harunsaanora sokka sayisino.
Ninke baxillunni insa gibbotenni, ninke mittimmatenni insa kay babbadatenni, ninke buusunni; insa kay huxxunni, ninke gobbatenni insa qachunni tirfi’neemmo gede hamboonke. Techora yine ga’a hunnammonku, ga’ara yine techo kakkalammo yaatennino ayyaanu sokka sayisino.
‘’Xa noo Itophiyu akati uminkera ikkikkinni mittimmankera hee’rara qaangeemmo gede gadadisannonke, meessaneeti yortonni aleenni mittimmanke keeraanchimmara jawaanteemmo gede lowontano gadadissannonke yannaati. Haaroo’mate kofattonna albankeenni noo doorshi korkaatinni gobbankera jifo batidheenna la’noommo. Konne lamenka qinaawinoha assate ninkera shota yinannikki seewoote waalchi fa’namannonketa anfoommo. Doorshu guffichu nookkiha gumulate haaro demokiraasete gafa fanonnonketi xawoho. Haaroo’mate kofatto gumulama jawa jireenyu faasho fanannonketa gobbansa baxxanno Itophiyu qansooti affino’’ yiinohu dr. Abiy; Gobbanke sannate kuusantino qarrubba giggishatenni wolootu borojjimmanni wolassannonkeha, qoleno Afiriku buudiranna qooxeessira noonke adhamooshshe lossate widoonni lamunku jawa pirojekittubbanke noose qeechi luphiima ikkinota ninke calla ikkinummokkinni dirrate yekkeerantannonkeri seekkite buuxxinore ikkansano ledatenni.
Keeru, Hagiirru, Hexxotenna Atootu Iidi Ikkara Halchosi xawise;
Dancha Iidi Mubaareki ikko’ne yaatenni sokkasi sayisino.
Addisu Adoola
