“Baayriditi Haaro`mate Kofatto layinki doycho way wo`ma mitiimma nookkiha jeefo afidhinohura Itophiyaho baxxino hagiirinna qeellete odooti” yee IFDR Olu Wolqa Jeneraalichi Birhaanu Juullihu coyrino.
Xaphoomu Itamazduure Mootichi cori’rnonte gede “Kofattote layinki doycho way wo`ma mitiimma nookkiha jeefo afidhinohura Itophiyu daga baalate hawalle tashshi yiino`ne” yiino.
Kofattote way wo`ma xa noo deerra iillanno gede Itophiyu daga hallo qodhite halante loossino yiinohu Jeneraalichu Birihaanu, way wo`minota macciishinoommohu kuni barri “Itophiyu dagara baxxino hagiiru barraati” yiino.
Itophiyu hiittenne gobbano gawajantara di-hasi`ranno yee, Kofattote waa wonsha konnericho buuxisiissinote yaate.
Xaphoomu Itamazduure Motichi lede, HWHT cancishaano gaamo, mootimma Tigirayete dagara yite uytino yanna horoonsidhe ola kaaysanni noota kulino.
Tini cancishaano gaamo, Tigirayete dagara mittore horo uytannokkire ikkansanni daga qarru aana tuggara murcidhe ka’inota leellishanno yino.
Gobbate gargartote oolanto albinni roore kaajjadu uurrinshi aana no yiino Xaphoomu Itamaazduure Mootich Birhaanu Jullihu; cancishaano gaamo daga kisanni ola suffannoha ikkiro olanto uynanninsa hajajo garinni qaafo adhate qixxaabbe noota buuxisiisino.
Tigirayete dagano badhe higge umonsa la”a noose yine uynooninsata yanna horoonsidhe cancishaanote gaamo “Olante aanninsanni hoo`la hasiissannonsa” yiino.
Bakkalcho Maaja 15/2013 M.D
