Addis Ababa:- Gobbate gargarooshshu olanto lubbonsa kakkalte Itophiya hegersate loossanni noota Gobbate gargarooshshu olanto gatamarshi loosi qaru qineessaanchi Leetenaal Jeneraal Baaca Debele egensiisi. Daga cancishaancho HWHTha kaphu piroppogaandira macca uyite sarraaqantannokki gede huwachishino.
Leetenaal Jeneraal Baaca be’ro yannate hajubba aana uyno xawishshinni; gargarooshshu olanto gobbanke mittimma, wolambinaatenna gashshootu lopho buuxisate aye yannanni roore kakkalamate qixxaawinota egensiisino.
Mitte mittenta assineemmo millimmonni lubbo kakkalle, hasiisaare baante, Itophiya hegersate loonsanni hee’noommo yinohu Leetenaal Jeneraal Baaca; olantote loosi olantotenni ikkinnina aktivistootunni gumulamannoha ikkinokkitano qummi assino.
Hajo olaho. Olu kayinni Itophiya gobbate gede hegersate, gobbate gede Woyyaane hasidhu gede Itophiya diigate hasattonsa toltannonsakkita leellisha calla ikkikkinni buuxisa ikkinota leellishannoha ikkasinni wo’ma dhukanke horonsi’ratenni mamootennia hiittenne base gawajja hasiissannonke yitannotera loonsanni hee’noommo.
Olammanni hee’noommohu Itophiyu danniraati; ninke danni gashshootiraati. Merebi danni geeshsha hiikkuno sammi yee kubbannohunna olluu mulqi’raano ka’e Itophiya tattaysa dandiitannokkita lellishate ledooti.
Woyyaanenniha yannate gereersha insa piroppogaandi gawajjamaanoikka dihasiissanno. Hasiissanno yannara hasi’nanni baatto agurre gobbagiseno ikko giddo hige hasi’nummo doogonni millimmo assine cancishaacho juuntu waamama buuxinseemmo yino.
Konninni kainohunni hiitte basera mamoote qassinanni yinanni coy olantote hajo ikkino daafira konne xawisa diagarranninke. Konne ikkino daafira mannu wolqanni, uduunnunni, tiiunninna duuchunkurinni olantonke qotira uurra hasiissanno. Ayino Itophiyu qansicha ikkinohu, Itophiya baxannohu olantonkera hale ikke uurra hasiissannotano huwachishino.
‘’Ninke kapha dihasi’neemmo; qeechu noonke. Gashshineemmohu gobbaati. Itophiyaati. Itophiyu kayinni mittimmasenni; gashshootu mittimmanni; wolambinaatisenni dagase noose su’minni keere afidhe hegeraamma ikka noonsa’’ Yino.
Mitte mittenta assineemmo millimmora lubbo kakkalle Itophiya hegersateeti loonsanni hee’noommohu. Konninni kainohunni wedellu, daganke duuchu Itophiyu daga qotenke uurritine irko’ne assitinankera woshshatto shiqisheemmo yino.
Amsaalu Felleqe
Bakkalcho Maaja 8, 2013 M.D
