Addis Ababa:-Basu geedhiteno amalese di-habbanno. Juntu keeru doogo dibaxino yiino Xaphoomu Ministirichi Dr. Abiy Ahimedihu.
Xaphoomu Minisirichi Dr Abiy Ahimedihu Tigirayete yannate hajo lainohunni xawishsha uyno.
Xaphoomi Ministirichi Dr Abiy Ahimedihu coyrinonte gede, Tigirayete dagara yine hedonke kalqete dagoomira noonketa gudinse kulloommo; leellinshoommo. Gaance batisa ginbe, dagate gatu loosi yannaati yine faro fanate hattono daga kaa`lo afidhara doogo beeshsha ginbe mitte mitiimma heedhukkinni loonsanni gede assate yine mararrotenni urde uurrisate doogo doorre ola uurrinsoonnita kulino.Keeru daafira waaga baantannita anfoommoha ikkirono kuni kaayinni goofimarchu keeri kaayyooti yiinohu Dr Abiy, “Basu geedhiteno amalese di-habbanno; Juntu keeru doogo dibaxino. Juntu, Xa noo uurrinshinni olamikkinni gale diafanno. Qaaqquullenna wedella aradotenni macharaarse olu widira saayse shiishiishanni afamanno; konnira, Gargartote Olanto konne qaaqquullu olanto gatisate qeecha tungoonnise” yiino.
Dagankera yine baantoommohu waagu ea giwinnonsa shollaataammi korkaatinni gumu di-dayno. Juntu, Itophiyho qara diina ikkinota wirro xawisino. Konneno Itophiyu daga baalate ledo ikkine qeelleemmo. Mito widoonni gawajantino dagara kaa`lo iillishate loonsanni wole widoonni giddoydinna gobbaydi diini miteenni halame faninonke ola galchine wirro dayno basera qolleemmo yiino.
Juntu, dubbunna godu giddora e”e daga hudetenni gooffu yee raaranno; dagate yine urdetenni olama gatto yine ola uurrinsi yannara qole hudete hajo agure olu lallawo fanino.
Kalqete dagoomi kaa`lote daafiranna hudete hajo hasaawanni keeshshinota hawe, Juntu olaho qaaqquulle diranna nafa sammi yiino. Juntu, Kaa`lote gide eesinanni doogo olu base asse cufe hee`reenna kaa`lo assitanno uurrinsha xaano motummate widira ille kaayse qarrisu yitanno.
Konne baala hedote wore mootimma hasiissanno coye baala garunni loossanno. Daganke kaphu mashalaqqenninna diinu henbeelsannorinni umonsa agadhitanno gede xaano qaagisate baxeemmo; Juntunna miillasira noonsari kapho batisa callate yiino.
Giddoydinna gobbaydi wolquwa kaphunni daga henbeelsite babbadate loosanni no. Konnira kayinni, daga konni albi gede mitte olanto ikkite gobbate daafira waateho uurra, Gargartote Olanto baalu coyinni irkisatenni, gobbaydi xiiwonna giddoydi kiso gane diina galche qeelanno gede woshshatto asseemmo yiino.
Abrahaam Saamueel
Bakkalcho Maaja 8, 2013 M.D
