6ki gobboomu doorshi keerunni gumulamasi harunse Hawaasi Quchumi Kantiiwi K/ Pirofeesere Tseggaye Tukehu xaphooma Hawaasi Quchumi teessaano gobboomunna qoqqowu doorshi quchuminkera mittuno adawu qarri nokkiha keerunni gumulamasinni hawalle tashshi yiinke! Yaatenni hagiirresi xawisino.
Tayxe doorshi quchuminke giddo co’o keeraancho, demokiraasaawenna dagate giddo ammanamooshshu noosiha ikke gumulamara doorshu harinshora beeqqaano ikkitinoonni doorshu gumulsiisaano, quchumu teessaano, hettisamaano politiku paartubba, adawunna midiyu bissa hattono olluunni hanafe heedhinoonni quchumu massagaano doorshu amanyooti gumaamimmara noo’ne qeechira umi’yanna quchumu gashooti su’minni gotti yiino galata’ya shiqisheemmo yiinohu kantiiwu:
Gobbanke batinyu gojidhinose gede ikkikkinni qansootise halantino cigilenninna gobbate baxa macciishshamme 6k gobboomu doorsha quchuminke giddo noo mitteno adawu yaaddo nookkiha keerunni gumulama dandaasi hananfoonni soorrote doogo mageeshshi geeshsha seeda doogo ha’ra dandiineemmoro leellishannoho yiino.
Koni 6ki dhaggete doorshi keerunni gumulamara ajjinokki sharronna riqiwamannokki qeecha fultinoonni bissanna xaphooma quchuminke teessaano doorshu keerunni gumulama calla guma ikkitannokkita huwatatenni huuro kiiratenni hanafe guma faajje assinanni barri geeshsha bubbissara dandiitanno kaphu mashalaqqenni daga qorophatenninna huuro uyni harinsho gede keeraancho ikkanno gede albinte gede qeecha’ne fultinanni gede yaatenni woxaratto assino.
Amsaalu Felleqe
Bakkalcho Ella 17/2013 M.D Hamuse
