Ministirootu amaale mini gobbaydi qansooti milli yaannokki jajji amadote ayidde ikkitanno amanyoote kaajjishate fulino hedote lallawinna babbaxxitino hajubba aana hasaawe muro sayisino.
Ministirootu amaale mini harisino 44ki uurrinshu songonni babbaxxitino hajubba aana hasaawe muro sayisasi lainohunni egesiisino garinni; gobbaydi qansooti milli yaannokki jajji ayidde woy amadote anna ikkanno amanyoote kaajjishate fulino hedote lallawi amaalete mini hasaawino ajanda ikkinota buuxise; qansootunniha baattote amado afiratenna horoonsirate qoosso ruukkisannokki garinni gobbaydi qansootira seeritte loosu hayyo diriirase gobbaydi kaappitaale gobbanke loosi aana hosiissanno gede jawaachishate, minu latishshanna iillo roore baqqi assate, mini hasattonna shiqisho taashsho agarsiisatenna qansootaho loosu kaayyo kalaqate jawa horo heedhannonsaha ikkasinni amaalete mini hedote lallawi aana hala`ladunni hasaawihu gedensaanni dagate riqiwamaano amaale minira tareessanno gede wo`ma huuronni kaajjishino yiino.
Bakkalcho Dotteessa 30, 2017 M.D
