Addis Ababa:- “Tayixe doorshi harinsho duuchunku la`nummonte gede demokiraasenniho; harinsho hagiirsiissannote. Kunino baalante doorshu mereershuwara mitto gara ikkasi daafira reepoorte macciishshinoommo.
“Gobbanke jawa hexxo nooseta ikkase daafira kunni doorshi mereershi aana seekkine la”a dandiinanni; Itophiyu dhagenni daga doorshunni demokiraasete doogo harunsatenni qossose horonsi’rate noose cinca la”a jawa hagiirre aanno.
“Tini jawa la`nanni dhaggeeti. kunni doorshi mereershira hanafate ragaanni badhera higa leeltino. Huuro uyinanni woraqati anje korkaatinni kalaqamino qarraati, woraqatu soorrame daa geeshsha daga cincatenni sase saate ale uurrite agartinota huwantoommo. Kunino daga dimokiraase kaasate noonsata jawa cinca la`noommoho, harinsho lowo geeshsha dhaggennitanna jawate. Daga huuronsa aate qoossonsa assootunni horonsirate gumultino gumulo gobbanke dimokiraase harunsitanni noota leellishannoho.
“Itophiyinke hasiisannosehu doorsha calla ikkikkinni xaphooma soorrote. Tini soorro duuchante ragaanni leella noose. Mitte anganni dimokiraase harunsinanni wole anganni chigginye kaansanni gobbanke haanja uddisiisa noonke.
“Gobbanke dubbose mulqantino, dubbo noowa qolate jawa sharro assinoonni, sa”i dirira kalqete qeelle adhinoommo, techono mitte anganni dimokiraase kaanseemmo barra wole anganni chigginye kaasanke kalqete doorshu harinshubba baalantenni doorshanke baxxinoha assanno. Uminkeha ikkitino dimokiraasetenna loosu bude harunsinanni hee`noommota la`noommoho; addintanni lowo geeshsha hagiirsiisanno. Tenne dhagete harinsho giddo beeqqaano ikka umise kaayyote yee amma`neemma.
“Babbaxxino korkaatinni kalaqantino mitiimmanni huuro aate harinsho raha hoogate akati leellino, ikkollana kayinni lowo geeshsha dimokiraasennihanna xawadoho. Tenne harinsho beeqqa kaayyote.
Abebech Maatewoos
Bakkalcho Ella 17/2013 M.D Hamuse
