Itophiyaho harinsoonnihu 6ki xaphoomu doorshi keeraanchimmatenni mitiimma nooikkihanna ammanamino garinni jeefo afi`rinota Afiriku Mittimma Doorshu towataano Gaamo xawissino.
Gaamo Addis Ababahonna babbaxxitino qoqqowubba doorshu oluubbara leelte balaxote qixxaawonni kaayisse daga huuronsa uyta geeshsha noo harinsho maa labbannoro doyte la`inota xawissino.
Konne harunse, doorshu amanyootesi agadhe keeraanchimmate doogonni harinsoonnita Mittimmannihu Doorshu towaataano gaamo bero uytino umi xawishinsanni egensiisino.
towaataanote gaamo massagaanchi albi Naajeeriyu Pirezidaantichi Oliseeguuni Obasaanjo yiinonte gede, dorshu keerunni, amanyootesi agadhino garinnina co`ichimma noo harinshonni jeefo afi`rino.
towaataanote gaamo doorsha la”innohu Aropu kiironni 2007ni fulinoha mittimmanniha dimokkirasaawete doorshanna gashshotou chaartere kaima assatenni la`inota xawissino.
Afirikaho, dimokirasaawete doorshi gashshoote lainnohunni Aropu kiironni 2002ni fultino wodho gumulo garinnila”ate dandiitinota Afiriku Mittimma xawisino.
Abrahaam Saamueel
Bakkalcho Ella 17/2013 M.D Hamuse
