Abrahaam Saamueel
Addis Ababa:-Meento duucha doogonni horaameeyye assa jireenyaho qara looso ikkinota Jireenyu Paarte Loosu Gumulsiisaancho Miilanna Addis Ababu Layinki Katiwitte Dukko Adaanechi Abeebetoyimbarra irkisaano meentu milli millo battalara saaysino sokkanni xawissu
Jireenyu, meentu taalo horaameeyye ikkanno gede, gobbate amuwinna annuwu insa ikkinota, polotiku massagoranna hattonni jirotenni horaameeyye ikkanno gede woraqatu aana calla ikkikkinni ulla kadanno gede loossinoti tenne paarte ikkase kultinoti Layinki Kantiwa, konne kaajjinshe loosate Jireenyu Paarte muricidhinota Addis Ababaho shiqqino dooramaano xibbunni 50 anga meento ikkinota xawisino.
Quchumu teessaano baxxinohunni amuwu mine noonsa xiiwo ajishe, meentu dagoomittetennino ikko jirotenni taalo horaameeyye ikkanno gede jireenyu illacha tuge loosanno; Jireenyu daga amade, daga xa`mitanno xa`mora dawaro aanni Itophiya albilicho harisannota qummi assitino.
Jireenya, qarru barra gametenni iltinoonni gede techono worroonni ajuuja loosu aana hossanno gede jawa irko assitinoonni daafo wodaninni galanteemmo.
Lowo waaga baatatenni daggino soorro uullara dirrisate, lowo qarri giddo sa`nummo woyte waateho uurritine kaa`litinooninke gede, xaano ammantinenkenna hexxo assitinenke xaa geeshsha irkisinoonninke daafo assitinooninkere ninke heeshshi yine ki`nera soqqamatenni guma laashshine qoleemmo`ne yitino.
Gobbate hajo aana hettisamaano paarte ledo loonsannita; adawa huntanno milli millo Jireenyu loosannoikkita, hattoore wolootano Jireenyu cince sa`annoikkita huwachishinoti layinki Kantiwa Dukko Adaanechi, meentu keeru hoonginni umi gawajjamaano insa ikkitinohura amuwu ga`labbote wolqa ledo qinawaatenni shiqqi yee loossanno gede kultino.
Addis Ababu Jireenyu Paarte Borro Mini Sooreessi Kalaa Melese Alemuhu isi widoonni, Jireenu ilamara korkaata ikkitine, soorro daganno gede baalunku ledo ikkitine gumultinoonniri Addis Ababu meento loosu callunni ikkikkinni ayyaanu ledono irksinanninke techora iillshinoonninke yiino.
Kalaa Melese Alemuhu xawishshi garinni, meyaa beetto horo afidhe soorro abbitanno woyte mini maatenna gobba horo afidhanno. Jireenyu baalunku meyaa beettoha ikkino daafira baalante doogonni horaamimmansa buuxisiisate loosannota egensiisino. Halamme loosatenni Addis Ababa jirote kaimi lawishsa assate; Itophiyano gotti assate huuro`ne Jireenyaho aa hasiissanno`ne yee woshshatto assino.
Bakkalcho Ella 10/ 2013
