Hawaasi quchumi anga ajjino deerrira heedhanno isiliminnu amma`nora sagale beehatenni irko assinnoonniha ikkanna ledoteno fiixiiri seera mittimmatenni harinsoonni.Bullee, zaytenna woloottaho 250 ali mannira irko assinoonni.
Hawaasi quchumi lekkisaanchu kantiiwi kaa`laanchu profeserchi Tsegaye Tuke irko assinohu rosamino garinni Arabete olliira yinanni mesgiidi Rahma leelleeti.
Kantiiwu Hejira kiironni honsikki aganira Remedani aganira Jahannamete waalchuwa cufantannotanna Jannatete waalchuwa fa`nantannota ikkinota ammannanni yiino.
Kantiiwu ledoteno, masaalaanchu mohammedi (SAW) Haddisi coyrinotee gede Ramadaani aganira loonsanni mittu danchu loosi wole yannara loonsanni danchu loosinni 70 ero roorinoha ikkinotano qummi assino.
Hawaasi quchumira lophotenna latishshaho isiliminnu am`no harunsaano assitannori haammatare ikkinota kantiiwu xawisino.
Laynki kantiiwi Tsegaye hee`noommo gobboomu akatinna kovidi taraawo baxxinnohunni anga ajjinonsa qansicha lowo geeshsha mitiinsinoha ikkinnota xawise isiliminnu amm`no harunsaano rosamino garinni Remedani ayyaanira irko assa hasiissannotano sokkasi saysino.
Ledoteno gobbankeha wo`munku handaari jireenya gumulannoha tayxe doorshsha isliminnu amm`no harunsaano timbiliqqi yite fulte doorate dandiisissannonsa kaaridde adhatenni dimokiraasete gatamaarshira qeechansa fulattanno gede woshshatto shiqishino.
Sidaamu dagoomu qoqqowi moottimma isliminnu hajo prezidaantichi Haaji Musxefa Naasiri isi widoonni, qarrantinore kaa`late assinanni assooti kaajje sufannoha ikkanno yiino.
Gamba assinoonni irko quchumaho isliminnu amma`no harunsitanno duureeyyewinni ikkasino egensiisino. Irko assinoonninsa dagano lowo geeshsha hagiidhitinota xawisse galattino.
Abebech Maatewoos
Dotteessa 21, 2013 M.D Hamuse
