Amsaalu Felleqe
Lamu barrira hadhanni keeshshitino sidaamu qoqqowi amaale mini 5ki doyicho 1ki loosu diri 2ki uurrinshu songo bero hawarro jeeffino.
Qoqqowu pirezidaantichi kalaa Desti Ledamohu songote jeefora buuxisino garinni qoqqowu daga mittimmatenni ikkatenni assitino sharronni xa daggino soorro borreessiisa dandiinoomo yee;soorro kaima assatenni duucha xa’mo dawaro afidhinota buuxisino.daga latate hasidhanno goo’ronni deerru deerrunkunni dawaro qollanni hee’noonnitano buuxisino.konninnino dancha soorro dagginota buuxisino.
Amaalete mini duucha hajubba kayise raga worinoha ikkanna xaa yannara qarra ikkanni dayinohu korkaatiweelo waagu lexxooti yiinohu kalaa Desti;konne qorqorate qoqqowu mootimma hajo la’annonsa bissaa ledo halamatenni tantanante loossanni noota buuxisino.
Amaalete mini gattino agannara hananfoonni safote latishshuwa jeefisate shiqinshoonni ledote bejete 346 miliyoone 616 kume316 birra gumultino.
Jeefoteno,kalaa Beyyene Baraasiha qoqqowaho 2ki gashshaanchonna rosu biro sooreessa ,kalaa Ashaagre Jembereha qoqqowoho tekiniiketenna ogommate biro sooreessa,kalaa Birihaanu Latamoha qoqqowoho Hodhishshunna doogote latishshi biro sooreessa asse mootoonsino. hattono babbaxxino lallawanogumulsine; yooaanoteno mootoonsate amanyoote harinsoonni.
Bakkalchoo Dotteessa 14/ 2013
