Addis Ababa:– Gargartote olantora assinanni hee`noonni kaa`lonna daga Gargartote olanto karsamate assitanni noo kakkaooshshi hunote wolqara qoe daaqisinoha ikkasi Gargartote Olantohu Dagate xaadooshshi Dayirektoreete Dayrekterichi Koloneel Geetinneti Adaanehu coyi’rino.
Koloneeli Geetinnet Adaanehu baxxinohunni Itophiyu Pireesete Uurrinshira xawisino garinni; Tigirayete qoqqowira kalaqamino olinni Itophiyu daga assitanni noo kaa`lonna irko Gargartote olantora calla ikkikkinni baara wido noo Itophiyu diyaasporira jawaante ikkinoho. Baatto loosidhenna saada ce’e galtino daga, rosaanotenni kayisse rosiisaanote geeshsha hiikko handaarinnino bobbakkinori baalisi gargartote olantora kaa`lo assitinoreeti. Kuni gobbate dhaggera borreessinanniho.
Daga baalanti timbiliqqi yite gargarto irkissara fula olantote jawaante ledinota kulinohu Koloneel Geetinet; diina qeelate wo’mu wodaninni ka”ate bareende afi’ra qara coyeeti yino. Xaa yannara baalisi gobbasira olanto ikkinotano coyi’rino.
Daga woxunna sagalete irko assate aleenni olu xawira hadhe olantate hale ikkansa leellishanni noo kakkaooshshi hunote wolqara yaaddo ikkinonsa; qoensa daaqisino. Koloneeli Geetinnetihu xawishshi garinni, hunote ka’inoti HWHT Cancishaancho gaamo ajaho, geerchoho, qaaqqohonna baatto loosi`re galinoho di-yitanno; baalanka hunanni ha`ranni no; baatto loosidhannore shaanni leellanno. Ikkirono, daga hiikkonni loossirano bobbakkinoha ikko kayinni olu gaadira baalisi gaada “Daga gargarto karsamate leellishshanni noo kakkaooshshi hunote wolqaha qoensa daaqisinoho” yino.
‹‹Dagate irko Cancishaancho HWHT calla ikkitukkinni insara soqqantanno mooraanorano wolqa daaqisino” yinohu Koloneeli Geetinneti Adaanehu; Juntaho soqqantannori tenne kaa`lonnino wolqansa daaqqanno; heddinore gumulate guficho ikkinonsa yino.
Koloneeli Geetinneti xawishish garinni, xaa yannara coyi geanni daanni no; kuni ikkinohu olantote wolqanni calla ikkikkinni dagate irkonniiti. Dagate kaa`lo Juntu wolqa fee hunate qara ikkitinohura hananfoonni kaa`lo duu`ne sufisiisa hasiissannota kulino. Haaru dirino Itophiyu daga Cancishaancho HWAT huntenna waante keeru diilallo fooliitanno diro ikkanotano qummi assino.
Abrahaam Saamueel
Bakkalcho Wocawaaro 6, 2014 M.D Hamuse
