Gobbate gargartote olanto Tigrayete wedellinna milishu miilla angansa keerunni mootimmate uyitanno gede woshshatto assi
Gobbate gargarooshshu olanto tenne hajo lainohunni be’roo barra fushshino xawishshinni Juntunniri qubbichunni kiirranni massagaano noonsa honqooqimmanni, biilloonyu hasattonna seerunni xa’mamatenni gatate yite Tigrayete daga olaho dirtanni danotenni lubbantanno gede assitanni afantannota xawisino.
HWHT Tigrayete daga qachu qoqqowubbanni hattono wo’mante Itophiyu daga ledo diinu gede ikkitanno gede kaphu duduwo fincatenni daga hasiissannokki hunote assooti giddo e’anno assino.
Konnirano Tigrayete wedellinna milishu miilla jaddaasine massagaanonni so’rote giddora e’e hasiissannokki doogonni danotenni lubbamantenni keeraatunni angansa gobbate gargartote olantora uyitanno gede woshshatto assino.
Gadachante solaho e’ino wedellinna milishu miilla keerunni angansa mootimmate uyitannoha ikkiro keerunni haa’nanninsata xawisino. Olanto tenne woshshatto shiqishshinohuno noosehu dagoomitte akatinna Tigrayete dagara noose kaa’laanchimmarano ikkinota xawishshu qummi assino.
Cancishaano gaamo dagate keeraano qansootinna jajju aana hattono gobbate aana gawajjo iillashatenna gobba diigate hasattosinni iillishino hilonni wo’manti Itophiyu daga qaccetenni qaccete geeshsha kakka’e konne diina sharramatenna gobba gatisate qodhite ka’inota fushshitino wo’mu xawishshinni egensiissino.
Amsaalu Felleqe
Bakkalcho Wocawaaro 6, 2014 M.D Hamuse
