Itophiyunna Aljeeriyu xaadooshshensa istiraateejiikete halamme widira lossate sumuu yitino. Gobbuwate dhaggete dipilomaasete jaaloomitte kaajjisha dandiissanno halammete handaarubba aana sumiimmete malaateno malaatissino.
Gobbaydi Hajo ministirchi Geediyoon Ximootiwoos (Dr) 5ki Itophiyunna Aljeeriyu ministirootu gutu komishiine gambooshshi aana egensiisino garinni; Itophiyunna Aljeeriyu mereero noo lamooshshu xaadooshshinni lopho borreessiissanni no.
Aljeeriyu gobbaydi hajo ministirchi Ahimed Ataf isi widoonni; lamooshshu xaadooshshi lophanni dayinota xawise; gobbasi Itophiyu ledo noose xaadooshshe istiraateejiikete halamme widira lossate murciraancho ikkase buuxisino.
Bakkalcho Dotteessa 9, 2017 M.D Hamuse
