Itophiyunna Vetinaame loosoho feeffattino wedella daga noonkere, latishshahonna lophote murci’noommore hattono dhaggenke harinshonni cincatenni egennammoommo gobbuwaati yee xaphoomu ministirchi Abiy Ahimed (D/r) xawisi.
Xaphoomu ministirchi Abiy Ahimed (Dr) Vetinaamete faajjete loosu towaanyo assanni noota buuxinsoonni.
Xaphoomu ministirchi Abiy Ahimed (Dr) tenne lamala giddo tuqu xaadi qoolinni sayisino sokkanni xawisino garinni; Vetinaamete xaphoomu ministirchi Faam Min Chin faajjete towaanyonke yannara assino dukkishshiranna ayirrinyu koyishshira galateemmo. Itophiyunna Vetinaame mimmito labbanno gede assitinori baca gutu hajubba noonsa. Lamunku jawanna loosoho ka`ino wedella daga noonkere, latishshahonna lophote murci`noommore hattono dhaggenke harinshonnino cincatenni egennammoommo gobbuwaati yiino.
Bakkalcho Dotteessa 9, 2017 M.D Hamuse
