Addis Ababa:– Mootichu Yesuusi shettote giddoonni sa’’atenni ninkera leellishinonketi heeshshote doogo no yaanni Itophiyu Wongeelu Amanaano Uurrinsha Sidaamu Qoqqowi Wongeelu Amma’no Uurrinshuwa Boorde Gambisaanchi Paasteri Yooseefi Yotona kaote Ayyaana laise sokka saysino.
Paasteri Yooseefi Itophiyu Pireese Uurinsha ledo assino hasaawinni xawisino garinni; Mootichu Yesuusi ninkera baatino waagi ikkinorichinni bikkinanniha di’’ikkinoho yee;mittu manchi umisinni halaalaancho tiro afidhino heeshsho hee’riha ikkiro minesino keerunna halaalu hee’ranno gede assa dandaanno yiino.
Mootichu biilinke ninkera yee baatino kakkalamme woxxitinonke yiinohu paaster Yooseefi; ninke isi faale harunsinammora baatino waaga techo danchumma assatenninna Itophiyu lophote doogora atoote ikkino yiino.
Mitu manchi umisinninna maatesi deerrinni halaalunninna halaalaancho amma’note harunsonni heeriro umisinn maatesinnino sa’e gobbate atootenna hurre ikkannotanna, qooxeessuno keere ikkannota qummeessino.
Ninke techo isi hee’rino heeshsho hee’noommokkihuraati jifubba batidhannonkehu yiinohu paaster Yooseefi; ninkewiinni ninkenkura dagganno jifubbanni kalaqantanno mitiimmuwa gumi ninkewiinnino sae wolootaho illanno; keeru korkaatuwa ninkeentilla yee; nnke hee’neeti hakkonneno leellisha dandiineemmohu yiino.
Gobbanke daga baala hattono Kiristinnu amma’no harunsaano Mootichu Yesuusi shettote giddo hee’re sayisino heeshsho hee’ratenni baattote atoote ikka hasiissanonkeno yiino.
Ninke manchi beetto ikkinoommo kalaqama barru baala qullaawa heeshsho hee’ratenni, hee’neemmo woyteno heeshshote bikkaanchonke bande afa hasiissanno yiinohu Paasterchu; korkaatuno bikkaanchonke afa hoongummoro bikkanke dianfeemmo yaatenni xawisino.
Konni kaote Ayyaani ledo amadaminohunni baattote aana hee’nummo geeshsha qorophine Maganu kalaqama ikkanke deerra anfe Kaaliiqi guma ikkanke buuxisiisa hasiissannonke yaanni kayisinohu Paasterchu; umbenke korkaatta hegersine bero uwankenni techo ronse techonna ga’a heeshsho woyyeessate kaote macciiishshammenni; qoleno ikkitannokki hasattora umonke sayinse aantenni bikkinkenni hee’rate mimmitonke irkisatenninna sissatenni qeelle balaxisiinse hattenne Yesuusi doogo dondummoro mimmitoho dancha lawishsha ikka dandiineemmota hegersa kiristinnu ammanaano baalinni agarrannita ikkase huwachishino.
Yesuusi Kiristoosi togo yiino ‘’hudi’reenna di’’itisoottoe, kalleenna diuddisiisoottoe, goo’reenna dihayikkisoottoe —‘’ yiinohu techo bati’rinonkehunni ikkikkinni noonkehunni xeinse hoogginoriranna dadillitinorira irkisatenni Kaaliiqi looso woxxinoommore ikkanke buuxisiisa hasiissannonke yaanni ayyaanu baqqeenyunniha, kaonniha, mimmito keerunna baxillunni la’neemmohanna qaangeemmoha qoleno Maganu ayirrinye xambe leellinsheemmoha ikkonke yaanni sokkasi saysino.
Demmellaash Demmeqe
Bakkalcho Dotteessa 9, 2017 M.D Hamuse
