Adaama:-Itophiyu pireesete uurrinsha Oromote Afiinni maassisino ‘’Naa’ota’’ qaaqquullunna oosote maxaaficho niwaawete ikkitanno ilama kalaqate assinanni sharro irkissannonna ilamate gobbate baxilli hee’ranno gede assitannota ikkase xawinsi.
Itophiyu pireesete uurrinsha muli yanna kawa ilama kaimunni quxa hasiissanno yitanno yawo amadatenni Amaaru afiinni “Bilateenaat” hattono Oromote afiinni “Naa’ota” yaamantino daaimootunna oosote maxaaficho attama hanaffino.
Sa’u Qidaame barra “Naa’oota” oromote afiinni qixxaabbanno maxaaficho Adaamu quchumira maassiinsi yannara barete leellinohu jireenyu paarte dagatenna kalqete handaari sooreessi ministire Biqila Hurreessa (Dr),maxaafichu duuchankawa iillitanno gede tuqishshu aana irko assineemmo yiino.
Biqila Hurreessa (Dr) xawisanni;Itophiyu gata hasidhuro ilamate aana loosa gadacho ikkitanno.Ilama jawaachishate qoleno gobba Ijaarsate gede kiirranniho yiino.Naa’ota oosote maxaaficho ilama gatisatenna ilama kalaqate assinanni gobbate soorro sharrora kaa’lo assitannote yiino.
Itophiyu ka”o halaalancho assate hasi’niro ga’’a ilama danchu amanyootina egenonni loossa hasiisanota Biqila ( Dr) coyire;aantaho ilamara angankenni fulitannokki gede oosote aana loossa lowo geeshsha hasiisanote yiino.
Itophiyu pireesete uurrinsha qaru loosu gumulisisaanchi kalaa Mesaafinti Teferra isi widoonni, Naa’ota maxaaficho ronsanni maxaafinni ledote oosote niwaawete dandoonsa lossidhannonna egennonsa boowirsidhanno hayyo ikkase xawisino.
Ilama kalaqate aana illachishe loonsanni hee’noonnihu Itophiyu pireesete uurrinsha galata hasiisannoha ikkinohura ledotennino maassinsoonni maxaafi oosote iillanno gede assinanni millimmo mereeronsa hasiisanno kaa’lo baala assinannita xawisino.
Itophiyu pireesete uurrinsha qaru loosu gumulisiisaanchi kalaa Mesaafinit Teferra isi wodoonni; ooso kaayyonsanni lophitanno yinanni dangoonni yaatto xa hee’noommo gobboomu hiiqamme faajjetenni leellishannoho yee; hakkunni roorenka ooso danchu amanyootinninna egenotenni shuqunne lossate hasiisannoha ikkasi Itophiyu pireesete uurrinsha widoonni noonsa qeecha fultannota coyi’rino.
Kalaa Mesaafinit xawishshi garinni, Itophiyu pireeste uurrinsha sa’’i maaju aganira ‘’Bilatenat’’ oosote maxaaficho maassiise niwaawete aana hosiinsoonni. Sa’u lamalarano Naa’ota maassinsoonni. Uurrinsha konninni calla uurritannoha ikkiki aanteteno oosote maaxaficho afiinsanni fa’nitanno wolootu afuubbano attamote aana hossano gede loonsannita kulino. Uurrinsha sa’u 84 dirra gaazeexubbanna Maxaafubba qixxeessite attante mootimmatenna dagate uyinoonni yawo ragunni fulitanni konne deerra iilla danditinotano qummi assino.
Oromiyu qoqqowi rosu biiro sooreessi Tola Beriso (Dr) mootimmanke soorrotenni loossanno balaxote hasaawinni umikkina qaru woyyitino ilama kalaqate aana ikkinota kule; ilamate aana loossa hasiissanote buuxisisino.
Yaareed Geetaachew
Bakkalcho Dotteessa 9, 2017 M.D Hamuse
