Addis Ababa:-Gobboomu hobbaatu amale mini bero harisino gambooshshinni gobboomu, qooxeessunna kalqoomu yannate akatubba keene xawishsha fushshino.
Itophiyu sa’u seeda sannara poletiku, miinju, dagoomittenna dipilomaasete hiiqqamme xaaddinosenkanni yiinohu xawishshu; kuri hiiqqame sissatenni jireenyu widira amaddino doogo ariiffatissanni afantannota egensiisino.
Xaa yannara hanafisiinsoonni haaroonshubba, paakeejubbanninna guma maareekkinanni hee’noonnita kaysinohu xawishshu; kalqoomu barera adhamooshshe afidhanninna gobboomu horo agarsiisate assinanni wo’naalshinnino jawaachishanno gumi maareekkamanni noota buuxisino.
Latishshunna poletiku handaarranni daggino soorro gobboomu keeri hegeraa’manno gede qeechu noonsata kulloonni. Gobboomu keeru akatino yanna yannantenni woyyaawanni dayno.
Hunote assootensa gumula hasidhanno bissa kaiminni Tigirayete daga hasidhanno garinni keere afi’ra hooggurono qoqqowoho kalaqamino oli uurranno gede mootimma assitino wo’naalshinni xaa yannara daga xaa yannara hobbaate afi’ra dandiitino.
Wolootta gobbate qooxeessubbarano keerunna ga’labbote akati roorenka woyaawanni afamannota Hobbaatu amaale mini keeninota xawinsoonni.
Konnira ledote, Soojjaati Afriki qooxeessira noohu hobbaatu akati, kalqoomu akati, poletikunna miinju harinsho, hattono gobbanke iillitara hasi’nanni jireenyu deerra lainohunni illacha hasidhanno hajubba noota Hobbaatu amaale mini xawishshisinni faajje assino.
Tenne yannara Itophiyunnire dhaggete diinna ikkitino bissawinni hunote sokko adhite millissanno bissa harinshonsa toltannokkita affe kawaanni qorophanna gobbate hobbaatinna keeri daafira agarranninsa qeecha fula hasiissannonsata huwachishino xawishshu.
Itophiyu jireenyi digatannoho;anafotenni afi’noonni gummano konne farcidhannote yiinohu xawishshu; haaroonshubbanna kakkaooshshubbano guma laaltanni no yiino
Jiffa sa’anna, qarrubba tirantanni no yiinohu xawishshu; Itophiyu qachu gobbuwaranna kalqoomu dagoomira assitanno irko roorenkanni kaajjitanni dagginota kaysino.
Keeru, ga’labbotenna hobbaatu loossano roorenkanni kaajjishatenni hattono qinaambe loosatenni dagate keerenna kasseenya buuxisiisate loonsannita Hobbaatu amaale mini xawishshisinni lede eegensiisino.
Amsaalu Felleqe
Bakkalcho Dotteessa 2, 2017 M.D
