“Musliimete daga remedaanu yanna gede baala ayyaanahono dhuku noosikki manna irkisa hasiissannota xawinsi
Musliimete daga remedaanu qoorre yannara leellishshino kaa`lammenna mittimma Id Alfexiri ayyaanirano ikko wolootta agannara kaajjishshe sufa hasiissannota Itophiyu isliminnu hajubba xaphoomu amaale mini pirezidaantichi Sheh Haaji Ibrahiim Tufa huwachishi
Pirezidaantichu 1446ki Id Alfexiri ayyaana korkaata assatenni sayisino sokkanni xawisino garinni; Remedaanu qoorre keerunni hagiirrunninna baxillunni jeefinse Id Alfexiri ayyaanira iillinoommo;Ramadaanu yannara leellinshoommo danchumma ganyete assootenke ikkito yiino.
Idi Alfexiri ayyaanira Xaphoomu ministirichi Abiy Ahimed (Dr) sokka sayisino
Idi Alfexiri ayyaani balchoomma kaajjinshanninna gobbate ijaarshira horoonsi`nanni ayirrinseemmo gede yaanni woshshatto shiqishino.
Idi galatu, danchumma assate, roduuwimmate balchoomma amadino ayyaana ikkinota qaanganni, kaajjinshanninna gobbate ijaarshira horoonsi`nanni ayirrisa hasiissanno yaanni qummeessino.
Sette aganna giddo industirete handaarinni 204.2 miliyoone doolaare eo afi`ni
Sa`u sette aganna giddo industirete handaarinni laalchimma lossatenni loonsoonni loosinni babbaxxitino gobbuwara laalcho soyaatenni 204.2 miliyoone doolaare eo afi`noonnita industirete ministere egensiissu.
Gobba giddo laashshaano industirra gobbaydinni e`anno laalchubba riqiwate ragaannino 2.79 biliyoone doolaare gatisa dandiinoonnita buuxisino.
Industirete ministir dieeti Kalaa Taarreqeny Bululta Addis Zemeni gaazeexira egensiisino xawisino.
Somaaliyu Ameerikaho furcho aate shiqishshino hedo Somaalilaande irkissinnokkita xawissu
Somaalilaande Somaaliyu mootimma Berberaho afantanno furchonna olantote diilallote hoowe Ameerikaho aate shiqishshino hedo diadhitino.
Somaaliyu pirezidaantichi Hasen Sheh Mahimmud lame lamalara albaanni Ameeriku pirezidaantichi Donaald Tiraampira borreessino borronni; gobbasi Berberahonna Baalidoogile afantanno olantote diilallote hoowubbanna Berberunna Bosaaso furchuwa Ameeriku callichose gashshitanno gede xa`mino. Kunino Ameeriku keere ayirrisiisate gumultanno sokkuwa kaajjishanno yaatenni xawisinota Royiters odeessasi qangannite.
Somaalilaande gobbaydi hajo ministirchi Abdirahmaan Dahiir Aden Moqadiishshote muro “hexxo mudhate qaafo” yaatenni lawashshi assino. Ministirchu Moqadiishshote borrora X- tuqu xaadi aana xallino sokkanni “Somaalilaandera uyinanni afamishsha uurrisate assa dandiinanni coy mitturichino dino” yiino.
Amaaru qoqqowira sa`u lamala aganna giddo haaroo`mate kofattora 68 miliyoone birra ale gamba assinoonni
2017 M.D lamalu agani giddo Amaaru qoqqowira Abbay kofattora dagooma beeqqisiisatenni 68 miliyoone birra ale gamba assinoonni.
Layinki xaphoomu ministirchi Temesgen Xiruneh sokka
Badheessa 24 yannaasincho Itophiyu dhagge giddo baxxino bayichi noosi. Beronna techo, techonna ga`a, qaccennihanna mereeriha, albisanna halamaancho, baatto loosidhannorenna ce`e galtino daga, hallanyanna gaamo, qooxeessunna gobboomu ayimma, ledamate laooshshinni sumuu assino barraati yaannino xawisino.
Bayiriidi Abbayi Kofattora assinanni irko kaajjite suffanno gede woshshatto shiqqu
Badheessa 24/2017 ijaarshise jeefisamate shiqqinotera Bayira Itophiyu haaroo’mate Kofora assinanni irko kaajjite suffanno gede woshshatto shiqqu.
Haaroo’mate Kofo Qineesso Borro Mini; Itophiyu dagara, ilama Itophiyunniriranna Itophiyu baxxillaanora Kofote ijaarshi safote-kincho offoshshiinshoonni 14ki dirira hawalle iillishi’ne sooka saysino.
Badheessa 24 soorrote gashshooti 7ki diro korkaata assatenni qixxeessinoonni sanade Sidaamu qoqqowira
Sidaamu qoqqowira “bero, techonna ga`a Itophiyu bayirreenyira” yaanno adawarshinni badheessa 24 soorrote gashshooti 7ki diro korkaata assatenni qixxeessinoonni sanade aana baalanti jireenyu miilla hasaawa harissu.
Qoqqowoho, zoonetenna woraddate badheessa 24 korkaata assatenni hasaawa assinoonni.
Badheessa 24 Itophiyu dhagge giddo bero sayinsoommo harinshubba, techo hee`noommo akatanna ga`a heedhannonke kaayyonna hexxo xaanni keenate baxxino bayichi noosi barra ikkasinni baxxino illachinni qoqqowoho afantanno zoonna,woraddanna addi addi sekiterra torbitino.
Bakkalcho Badheessa 25, 2017 M.D
