Sidaamu qoqqowi mootimma haaro diro korkaata assatenni 1,549 seeru seejjamaanora maaro assitinota xawinsi.
Sidaamu qoqqowi farcote biiro odeessaanote xawishsha uytinoha ikkanna; qoqqowu farcote biiro sooreessi kalaa Mato Maaru, maaro assinoonninsa seeru seejjamaano mereerinni 1,530 labballo ikkanna; 19 meento ikkitinota xawisino.
Woxaratto shiqishidhinore seeru seejjamaano boorde buuxxe woma huuronni kaajjishshe Sidaamu qoqqowi mootimma pirezidaantera shiqishshuhu gedensaanni, pirezidaantichu kalaa Desta Ledamo maarotenni fultanno gede murino.
Xaa yannara qoqqowoho xaphooma 7,819 seeru seejjamaano afantannota buuxisinohu biirote sooreessi; konneno assinoonnihu pirezidaantichu seejjamaano hunonsanni gaabbite dagansanna mootimma kiissanno gede assate ikkinotaati kayisinohu.
Seejjamaano maarotenni fultanno gede assate loosi gobbate deerrinni bayiriidi seeri aana kaajjinshoonniha ikkanna; qoqqowu mootimmano konne looso gumultanni keeshshitinota xawisino.
Maarote horonsiraanono hunonsanni gaabbite mootimma uytinonsata tenne maarote kabyyo huwatatenni dagoomu giddo dancha akatooma uddidhe lawishsha ikkatenni dagoomanna mootimma kiissanno gede qummeessino.
Gaazeexu odeessaanchinni
Bakkalcho Wocawaaro 2, 2017 M.D
