Rarraatte yemakku gede hinko afidhino. Ceate gede qooluno noose. Mitte hige iima buubbanno ceanna gaxigalu saada mereero kipho kalaqantu. Shoole barra wo`ma ola harinsi. Rarraatteno qaccete uurrite la`ate gobba giddora e`e diolantino; olunni gaxigalu saada kaajjituro insa widira marte “Techo ki`ne ledooti kiirameemmahu, la`e unuuna`ya, la`e hinko`ya gordu aana buubbanno ce`a giddonni aayti unuununna hinko noosihu?” yitannonsa.
Kayinni olaho iima gordu aana buubbanno ce`a kaajjite qeelatannore labbannose woyte ce`anniwa marte “Ani techo ki`ne ledo kiirameemma; la`e qoola`ya hiikkuuti gaxigalu saada giddo qoola afi`re buuwannohu? Yitanno. Olu giddora kayinni horontanni di-e`anno.
Barrubbate gedensaanni yekkeero assineenna olu uurri, insano araarantu.
Konnirano hagiiru barra gaxigalu saadanna ce`ate olliira gutunni jawa jila assini. Rarraatteno ce`ate jila martanno woyte “Ninke gaxigalu saada gede hinko dinonke ninkewa mayra daatta? yite shorrituse. Hakkiinni suuta ikkite gaxigalu saadawa martanno woyte ninke ce`ate gede qoolu dinonke buuwano didandiineemmo ninkewa maayra daatta yite insano shorrituse.
Rarraateno saalfattu. Barra barra maaxantanni hashsha fulte sagalese hasi`ra hanaffu. Kalaqamunni afi`noonni atoote dandaamiro baalunku ledo sumuu yine; dandaa hoongummoro kayinni wodanninke ammananno hedo ledo uurra hasiissanno ikkinnina kawa ka`a yawaawula digaraho. mereeroho gatissanno.
Sokka sircho kiira afimalcho assitanno!!!
BakkalchoMaaja 29 / 2013
