Mitte yannara Doobbiichunna Gotiichu mittimmatenni woshshaaddanni itate sumuu yitu. Woshshaaddanni beeqqa hanafutta Doobbiichu wolqasi horonsi`re sumuummensa kada hanafi. Jeefoteno Gotiichu woshshaade abbinoha wolqatenni adhe itanni gatino giggilo Gotiichoho aa hanafi. Konninni aaraawinohu Gotiichuno tenne miiconni fula nooe yee amaale hasiranni Dagunchunniwa ha`ri. Dagunchono afiriti sumuummensa daafiranna xaadinosi coy daafira hattono miicammesi daafira kulatenni isi aantesinni qeelaancho ikkanno doogonna Doobbiichu qole shetanno doogo xa`mannosi.
Dagunchuno wodaninni macciishshe guditi togo yiisi:- xa ati shsharramattohu ati Doobbiichu gede ikkatto woyte la“ateetinso Doobbiichu ate gede ikkanna la“ateeti? yaatenni Dagunchu tenne xa`mo kayisita Gotiichu goowasi duwe sammi yii. Hatte yannanni hanafe Gotiichu goowa heeshshi yee hara hanafi. Heeshshi yee dugunuune harannohu Dagunchoho dawaro hasanniiti lawinoe. Wodanchinummoro ninke heeshsho giddono dawaro hoongoommoti baca Dagunchu xa`mubba noonke. Ninkeno Gotiichu gede goowa heeshshi yine ganteemmonso gotti yineemmoka? Tini ane xa`mooti.
Bakkalcho Ammajje 9, 2015 M.D
