Bisinke giddo noo mikitta baala kaajjite uurrate bisu millimillo hasidhanno. Dokiter Roobert Firiidlaand yinanni borreessaanchi “Surre hiikkunni bisinke giddo noo bisi gede gedhitanno. Bisu millimillo wodana, mikittanna miqicho kaajjishshannonte gede baala surrete millimillono buqqee lossitanno” yaatenni coyi`rino.
Surre looso tira hooggu geeshsha dhukise diajanno. Konni daafira niwaawe, cheezete gedee ispoortubbanna wolootta godo`lubba millissannosi. Konninni amadamonohunni xiinxallubba leellishshanno garinni sufotenni nabbawa qaaggote hoongenna geedhimmatenni daggannore sa“eno fooliishshonnita yanna yaaddote widira soorritanno qarrubba gargaranno.
- Tenne kalqe aana coyibba soorrantannota ikkase habboti.
- Tiiu Seera qaaffooti.
- Lowo womaashsha fushshanno kaameelinni haroottohura iillate hasiroottowiinni sa`e diharatto.
- Umokki wolu darga worte lai.
- Hee`rate woxu hasiisahera dandaanno; woxeho yite hee`ra hanafittoro hakkawoyite baokkiiti.
- Yannanna dambalu uurre diagaranno.
- Qananno siiti amate hayisso disaamanno.
- Ate hegerera hagiirsiisanni worahera dandaannohu baxille callaho. Baxillu heeriro wo`muri no.
- Heeshshotenni woy lubbotenni nootto/ta geeshsha ati ayeno dirooratto/ta; qoleno ayinnino diajatto/ta.
- Ani callu afoommo ane rooru dino yiitooti.
- Aye geeshshiha ikkittoro, boo`nittoro, naaxxittoro, ane ka`a wolu dino nafa yiittoro ga`a la“a dandaattohu ga`a heedheetilla.
- Baaluri sa”annoha ikkinota de’ooti.
- Doogo hadhanna hashshihero nafa hedoottowa iillittokkiinni digatatto.
- Coye baalanka magano waajjatenninna wodanchatenni assi.
- Itittokkiinni galoottohura soodo direyatto hattono duubbe galoottohura hegere diheeratto.
- Egennote baalate roori magano ikkinota habbooti.
- Gatona yaate qixxawino wodani heerohe; halaaleno godhooti.
- Ilamatenna xaggete aana gorsi`ro heedhonkehe.
- Woxunni agartannohere hidha dandaatto; keere kayinni hidha didandaatto.
- Ilamootto gobbara dagakki aana busha assitooti.
- Kapho baxannohu ayirrinye diafi`ranno.
- Ninkera hexxo noonke korkaatuno baxillu noonkehura.
- Cee`mate batinyi lophote diinaati.
- Hudi`niro duumbayiha dilawanno.
- Umikki doogo co`itte assate yite wolootu doogo ishinshitooti.
- Qarra kalaqate ikkikkinni qarra tirate hee`ri.
- Coyi`rattora alba macciishshate jawaati.
- Dancha loosittoro su`mikkino danchate ka“anno.
- Afiratenni afa roorete.
- Halaalaanchu baxilli afuunni coyi`nayiha calla ikkikkinni halaalaancho doogonni xawinsanniho.
- Hagiirraamu wodani alba xawisanno.
Dancha barra ikko`ne!!!
Bakkalcho Ammajje 9, 2015 M.D
