Mitte yannara mittu mooraanchi maaxame mitto mancho mooranni miicay qarrisi. Manchu qarriseenna caaccaawe “Makkummoro ani woyyatekka”? yee hawarro nafarasi noo haqqicho gidde agari.Agare heereenna mooraanchu ka”e daye; haqqicho agare noote hunda uurre guranna qiniite lai.
La’anna manchu iima gidde noohu gumunni ole gani. Ganeenna ale hige la“e “Woowwohi agarina la`ay nootto ikkeemmota”? yeenna manchu dawaranni, Ee, “guranna qiniite injiino’e yite ane baddala ikkikki iima higge la’attora yee assoommohete” yeenna hari.
“Baddalote looso guranna qiniite injeennanke loonsummoha ikkiro mimmitinke aana; iima kaaliiqi la“e hanqeenna meessaneetonke gawajjammeemmota de’noonke!. Mixokki iima buuwa ikkituna; uulla haqqete mule mayra buuwattoyya?!
Ay woyte Allamurchu iima xeerti’reeti buuwannohu.Shiimmaadda Ce`a gede uulla haqqete hunda dibuuwanno.Mixokki iima buuwa ikkituna; uulla haqqete mule mayra buuwattoyya?
Allamurchu gede kaajjado mixo heedhohe. 5km fafe hee’re lubbote nooha amade itannori aana illacha tuge ille wolewa diqolanno.Horo reynoricho di’itanno. Allamurchu Doowirrate gede reyino coye disaga’lanno. Isi itannohu lubbote nooha iibbeyoha amade callaati. Goofimarchoho Laokki mixokki aana calla ikkito. Gawajjannohericho ikkikki; umikki heeshshora injaannoricho” mixiri.
Bue:- “Heeshshote Maqqaallo” yitanno maxaafichonni
Bakkalcho Ammajje 2, 2015 M.D Hamuse
