Addisu adoola
Addis Ababa: Uurritino illachi gobbaanni millissanni noo sase gobbaydi uurrinshubba sasu aganira agawamansa Sivikete Dagoomi Uurrinshubba Ejense egensiissu.
Yannate akati buuxote xawissino garinni, Sivikete Dagoomi Uurrinshubba Ejense MSF HOLLAND, NORWEGIAN REFUGEE COUNCIL nna AL MAKTOUME FOUNDETION yinanni gobbaydi uurrinshubba agabbino.
Uurrinshubba mangiste uytinonsa fajjooti seeri garinni babbaxxitino mannoomitte loossara bobbakke loossanni keeshshitinore ikkitino gede qummeessitinoti ejense, uurrinshubbate aana assitino harunsonni uurrinshubba uurritino illachi gobbaanni millissanni afantino gede xawissino.
MSF HOLLAND nna NORWEGIAN REFUGEE COUNCIL yaamantanno uurrinshubba babbaxxitino kaphu mashalaqquwa tuqu xaadooshshubbanninna babbaxxitino hayyubbanni fincitanni afantinno gede, loosu fajjoote uynoonninsakki gobbaydi gobbuwa qansoota gobbate giddora eessatenni lewu/6/ agani ale qaxarte loosiissanni afantino gede qummeessitino.
MSF HOLLAND Uurrinsha biilloonye uynoonni bissa fajjoote uynoonnikki saytalaatete raadoone xaadooshshi uduunne gobbate giddora eessatenni uurrinshate loosaasine hunaancho ikkino illachira horonsidhanni afante adawu bissanni seeru hunda hosansa xawisino.
AL MAKTOUME FOUNDETION Uurrinsha rosu ministeere koroono fayya pirotokoole ayirrisa hoogatenni, baajeette horonsi’nanni hayyo xawadimma xe’inonna rosu mini su’minni dagganno baajeette illachu gobbaanni horonsidhanni noohura hattono loosaasinete massago qarru leellinota ikkitinota qummeessitino.
Uurrinshubba uurritino illachi gobbaanninna gobbate horo gawajjanno garinni millissanni afamansanni taashshidhanno gede marro marro uurrinshate sooreeyye ledo hasaawa assinirono taashshidhara dandaa hoogansa xawissino.
Uurrinshubbate xiinxallo assine jeefote muro uyna geeshsha lallawu kiiro 1113/2011 quwa 77(4)te garinni xaphooma uurrinshubbate millimmo sasu aganira agawantinota Siwikete Dagoomi Uurrinshubba Ejense xawissino.
.
BakkalchoMaaja 29 / 2013
