Abebech Maatewoos
Atileet Qeneniisa lamu dirira albaanni A.K 2019ni Jermenete gobbara harinsoonni maaraatonete heewora kalqennita e`nanni yanna woyyeessate lame lipheessuwa calla gate heedheennasi heewo qeelasi qaangannite.
“Heewote albaanni e`nanni yanna woyyeessate surre`ya diqixxeessoommonka. E`nanni yanna woy riikorde woyyeessate surre`ya qixxeessoommoro riikoorde hakko barra qeeleemmonkanni” yee Qeneniisi instaagiraamesi qooli aana worino viidiyora coyi`rino.
Qeneniisi 2019 Berliinete maaraatonera lame lipheessuwa calla gatteennasi e`nanni yanna woyyeessikkinni gatasi “Baca yanna masissannoe” yiinoha ikkanna; sanbatu barra assinanni heewora Keeniyu heewisamaanchi Eliyud Kipchoge amandoonni riikoorde woyyeessate mixo noosita xawisino.
Qananiisi sa“i dirira harinsoonni Tookiyo olompiike aana maaraatonetenni beeqqanno yine agarroonniha ikkirono Itophiya riqibbanno heewisamaano doorate assinoonni filo aana beeqqa hoogasinni gaamote gobbaanni ikkasi qaanganni.
Qananiisi sewo mereerinni
3 olompiikera culku meedaaliya qeelino
• 1 olompiikera birru meedaaliya qeelino
5 kalqete shaampiyoonenni culku meedaaliya qeelino
1 kalqete shampiyoonenni nahaasete meedaaliya qeelino
Bakkalcho Wocawaaro 20, 2014
