Qiddist Gezaheny
Irreechu ayyaana ayirrisate hasiissanno qixxaawo gumulloonnita ayyaana ayirrisate uurrinsoonniti Teknikete komite egensiissu.
Ayyanna ayirrinsanni woyte hiittenne poletiku paarte baandeera amande fula hoolloonnita ikkaseno komite xawissino.
Irreechu ayyaana Wocawaaro 22/ 2014 M.D Addis Abebaho Hora Finfinne nna Wocawaaro 23 /2014 M.D Hora Arseddi ayirrinsanni.
Ayyaana ayirrinsanni gara qineessitannoti Teknikete komite techo odeessaanote xawishsha uytino. Komitete qineessaanchi kalaa Kebbede Desiisa Addis Abebahonna Bishoftu ayirrinsanni Irreechu ayyaanira hasiissannota balaxote qixxaawo assitinnota xawisino.
Ayyaana ayirrisate dagganno daga Abbaagadootu murtino garinni ayyaana xawisanno coyi gobbaanni hiittoohano poletiku paarte baandeera amada hoolloonnita ikkase coyi’rino.
Ayyaanu keerunni ayirrisame gumulamanno gede daga hasiissanno kaa’lama assitanno gede xa’minohu kalaa Kebbede, ayyaana ayirrisate dagganno daga koroonu fayya gargarooshshu qoropho assa hasiissannonsa yino.
Ayyaanu albaanni babbaxxitino xiinxallo shiqqannotano qummi asse; Irreechu ayyaani aana Oromote daga gobbaanni Itophiyu daganna dagoomi beeqqanno yine agarrannita kalaa Kebbede xawisino.
Irreechaho yaa magansiratenna galaxxate; konne assoottonke daafira , hawadunni arroho sayisoottonke daafira galaxxineemmo yinanni kalaqaancho magansi’nanni ayyaanaati.
Irreechu ayyaanira daga shama hayisso amadde laga dirrite kalaqaanchonsa galaxxitanno hattono huuccidhanno; Irreechu shama hayissonni riqiwamannoho yino.
Bakkalcho Wocawaaro 20, 2014
