Abebech Maatewoos
Addis Ababa: Ameerikaho heedhanno Itophiyu daga, Itophiyu ilamanna Itophiyu jaalla Ameeriku mootimma Itophiyu aana agawo tugate sayissinota gumulote hedonna galchimi gobbuwati tuqu xaadooshuwa Itophiyu daafire tuqissanni noota kaphaancho mashalaqqe effi`re giwatenni keeraancho dira harissino.
Babbaxxino Ameeriku gobbuwanni Waashingtenete gamba yitino diru beeqqaano waajju gashshootu mine, Ameeriku gobbayidi hajo ministeere loosu minenna CNN televizhiine mereershira albaanni leellatenni giwansa macciishshiishino.
Cancishaanchu HWHT Tigraayete daga riqiwannoikkiha cancishaanote gaamo ikkasinni baalanti Itophiyu daga effidhe giwatenni tugginosi yiinohu diru beeqqaano; Itophiyu cancishaanchimma gargadhate adhitanni noo qaafo Ameeriku irkissaranna Baaydeni gashshooti sodhino mashalaqqe aana kaima asse Itophiyu aana agawo tugate sayisino gumulo wirro la`anno gede xa`mitino.
CNN na wolootuno galchimi gobbuwa tuqu xaadooshuwa Itophiya lainohunni hala`lado kaphu mashalaqquwa tuqissanni Itophiyu mayimma xursiisate loossanni noota coyidhinori beeqqaano; CNN na wolootuno tuqu xaadooshshuwa, konni assootinsanni qorophite cancishaano HWHT gaamo keeraanote aana iillishshanni noo hunora halaalaancho mashalaqqe uytanno gedenna keeraano Itophiyu qansootira huuro ikka noonsata diru aana xa`mitino.
Diru aana beeqqitino daga “HWHT cancishaancho uurrinshaati”, “Ameerika cancishaano uurrinsha irkisa aguri”, “Ameerika Itophiyu cancishaano hunate assitanno wo`naalsha kaa`li”, “CNN Itophiyu daafire tuqisannoha kaphaancho mashalaqqe uurriso” “Prezidaanti Baaydeni sodhino mashalaqqe aana kaima asse saysinota gumulo kaayso” yitannorenna Bakkalcho Wocawaaro 20, 2014
