Albinke aana babbaxxitino korkaattanni fultannota kolidda malaatta babbaxxitino doogonni huna dandiinanni.
Albinke aana fultannori kuri hasiissannokki coyibba bisinke keeraanchimmara qarra ikkansannino aleenni biinfillinke ajanno gede assitanno.
Kuri qarrubba sufotenni hunateno konni woroonni tittirshunni shiqqinota hunanni doogga harunsatenni albinke aaninni huna dandiineemmo.
Vaytaamiin C
Vaytaamiin c alba hasiissannokki kolidda malaattanni gargarate kaa`litanno doogooti. Vaytaamiin c yaano laalote gumma saga`lano ikko laalote gumma karsinni loosantino babbaxxitino gumma horonsiratenni biifadunna co`ichu bisi hee`rannonke gede lowontanni kaa`litannonke.
Koojiiki asiide
Koojiiki asiide biso co`isate gobbaanni bisonke arrishshotewiinni gargarate dandiissanno; meinetenni jiroo`mitinota ikkasennino bisoho sumuu yitannota ogeeyye coyidhanno. Koojiiki asiide babbaxxitino doogonni dikkote aana afira dandiineemmo; lawishshaho bulleetenni, kireemetenni, xagichu garinni qixxaabbinota afi`neemmo.
Akuri atara
Wole bisu kolishshira gargarate kaa`litannonkere akuri atarinni loosantino babbaxxitino gargarooshshu doogga afi`neemmo. Kunino kolishsho biso co`isatenni biifadu albu gogi hee`rannonke gede kaa`lannonke. Soodonna hashshano kolishshi`rino bisonke buudhatenni huna dandiineemmo.
Aziiliiki asiide
Aziiliiki asiide hayxe, gardaamanna qamade labbino gidubbanni afi`nanniha ikkanna; bisinke kolidda malaattanni co`o yiinoha ikkanno gede kaa`litannonke.
Ledotennino albinke aana fultanno kolidda bassuwa hunate gobbaannino albinke aana noo bakiteeriyubba huntanno. Konneno barrunni lame hige horonsiratenni soorro la“a dandiineemmo.
Arrishsho gargartanno kireeme (sun creame)
Arrishsho gargartanno kireeme albinke biifado ikkanno gede kaa`litanno doogganni mitto ikkanna; bisonke gawajjitanno coyebbannino gargartanno.
Kireeme aye woyte horonsiratennino albinke geedhannokki gede assanna kolidda malaattanni agara dandiineemmo.
Bakkalcho Onkoleessa 1 / 2016
