Shumate boombe mada kalaqantannohu bakiteeru shumate boombera e`e siranno yannaraati. Shumate amanyootinke kalaqamunni baakiteera hunara loonsoonniha ikkirono mito mito woyte kalaqamunniti gargarooshshu doogo konne assoote qeelatenni baakiteeru bisinke giddora e“e dhibba abbara dandaanno.
Kalaqamunni sirote bisi ofollate akatinni kainohunni meentu labballunni aleenni shumate boombe madi`rara roorenkanni reqeccishantinoreeti. Siimu xaadooshshe shumate boombe madi`rara meento addinni roore reqecci assara dandaanno. Meentu baxxinohunni noonsa bisinsa ofollote akatinni (Female Anatomy) kainohunni siimu xaadooshshe assitanno yanna, otoottote giddo woranni mite mite ila hooltanno maatete damboowishsha hattono meentu ilate yanna gudanno (Menopause) yannara roorenkanni shumate boombe madi`rara luphima garinni reqecci yitanno gede assannonsa.
Woloota shumate boombe madi`ra lexxitanni hadhanno gede assitanno coyibba
- Fayyo ikkitinoikki shumate boombe heedheennansa ilantanno qaaluulle
- Shumate boombe furcho cufama:- kunino mulu care korkaatinni woy bikka luphi yiino prosteete korkaatinni daara dandaanno.
- Dhibba gargadhate amanyoote gawajjama:- lawishshaho sukaarete dhibbi korkaatinni kalaqamunniti dhibba gargadhate ikkadimma ajjanno gedenna jerime gargadhineemmoikki gede assatenni infekishiinete reqecci yineemmo gede assanno.
- Artefishaale shumate boombe woy kaateetere horonsidhanno xissamaano.
- Shumate boombe prosteet woy mule darsiisidhino mannooti shumate boombe madara roorenkanni reqecci yitanno.
Shumate boombe madi`ra kaajjituro hiittoo qarra abbitara dandiitanno?
Woriidi shumate boombe mada garunninna
yannatenni xagisi`niha ikkiro danchaho. Xagisira hoongiro kayinni fayyimmate aana jawa qarra iillishara dandaanno. Kurino:-
- Wirro wirro hige madi`ra
- Luphima ikkitino mulu madi`ranna laanfe
- Godowuyi noori aana kalaqamiro kayinni ilamanno qaaqqi bikki ajinoha woy yanniweelo ilamara dandaanno.
- Rewote geeshsha iillishshara dandiitanno madaati; baxxinohunni mulu widira taraabbannoha ikkiro gawajjitara dandiitanno.
Shumate boombe madi`ra gargadhate doogo
- Ikkado ikkino waa aga. Waa aga
- shuma batissanno hattono ranke ranke shumaa`neemmo gede assatenni bakteeru madi`ra kalaqikkinni shumate boombenni dirranno gede assanno.
- • Shuma shumaa`nummo gedensaanni badhera qole fiira:- shumate ofollinummo gedensaanni badhera qolle fiira bakiteeru ofolaanchu qoxeessinni sirote bisira ha`rannoikki gede assanno.
- • Siimu xaadooshshi gedensaanni shumate boombe qooxeessa co`o assa hattono mitte burciqqo waa agatenni baakiteeru ba`anno gede assa.
- • Meentu sirote biso co`imma agadhate doderaante, powuderenna dochesi labbannore horonsira hooga. Co`imma agadhate kuri horonsi`nanniha ikkiro baakiteeru shumate boombe giddora e`anno gede furcho kalaqqanno.
- • Maatete dambaawishsha soorra hasiissuro fayyimmate ogeeyye ledo amaalama hasiissanno; Baxxinohunni wirro hige shumate boombe infekishiine gawajjitanno`neha ikkiro.
- Yannatenni fayyimmate ogeeyye amaa`le; xagicho hajanji`neha ikkiro garunni adhe yitanno.
- Fayyimmanke anganke aana noo daafira gargarooshshu doogo horonsiratenni fayyimmanke agara gobbateno ikko meessaneetira jawa horo noosi.
Bakkalcho Maaja 22, 2013
