Addis Ababa:- Sidaamu qoqqowi elekitirooniikisete hidho amanyoote (eGP) looso faajjetenni hanafinota Sidaamu qoqqowi fayinaansete biiro xawissu
Federaalete hidhotenna jajju gashshooti billoonyi Sidaamu qoqqowira fayinaansete biiro ledo qinaawatenni qoqqowu deerrinni fajjo noonsa daddalaanora qajeelsha aasi egensiinsoonni.
Sidaamu qoqqowi mootimma fayinaansete biiro sooreessi dokiter Araarso Gerremewu yino garinni; elekitirooniikisennita mootimmate hidho amanyoote halashshate loonsanninna elekitirooniikisete hidho amanyooti loosi xambenna xamamaanchimma heedhanno assatenni, baincho assoote hunatenni, mootimmatenna dagate mereero ammanamooshshu heeranno gede luphiima qeecha assatenni; fayinaansete loosi aana kaanno abbooshshubba gatisate dandiisannota xawisino.
Billoonyu qaru dayirekiterchi kalaa Haji Ibsa isi widoonni yino garinni; yannaasinchonna lifixxino fayinaansete mootimmate hidhonni heewisantanno uurrinshuwa taalo ikkitino loosu hayyonni horaameeyye ikka dandiitanno gede assannota coyirino.
Mite mite qajeelshu beeqqaanno yitino garinni; hidhote seeri garunni gumulamanno gede, yannatenna wolqate hafanfarre ajishatenni sa“e babbaxxitino doorshuwa ledo qinaambe loosatenni garafotenna labbino hidhubba aana ka`anno abbooshshubba gatisannoha ikkasi buuxissino.
Gaazeexu Odeessaanchinni
Bakkalcho Bocaasa 20, 2016 M.D
