Manchi beetti dirisiha 1/3ki saysannohu goxichunniti. Kunino kiirotenni 25 diro ikkanno.
• Barrunni 7 saate goxa mannunnita lubbotenni hee`rate diro ajishanno.
• Alaarme /baqqi assitanno saate/ kalaqamasera albaanni Ingliizenna Ayerlaandete giddo manna goxanotenni baqqi assatenni galtanno loosaasine noonkanni. Loosaasine gutte ka`e waalcho gangantanni hajamaanonsa goxanotenni baqqi assitannonkanni.
• Qereqe`ne taxxi assitukkinni 3 dirrara goxa dandiitanno.
• Basurre dirinsata 70 anga sayissannohu goxichunniiti. Basurre barrunni 16 saate goxxanno.
• Ameerika mittu barrira calla gashshino pirezidaantichi Deeviid Achuseni; 24 billoonyu saatesi giddonni batinye yanna saysinohu goxichunniiti. Yannano A.K badheessa 4/1894 ti.
• Umi kalqete oli yannara Pal Kern yinannihu Hangaari olanto ikkinohu Samosi xiyyitunni ganameenna goxicho hajajjanno surresi kifile aana ayirritanno gawajjo iillitannosi. Konninnino olanto Samosi 40 ikkitanno dirra goxichu nookkiha saysino.
Qorkootu baqqi yitinore ikkate barrunni 5- 30 xiqqeessi geeshsha calla goxa ikkitannonsa. Qorkootu barrunni 5 saate geeshsha goxxanno.
• Morfin yaanno qaali daynohu Morfes yamamanno hundi Giriikootu goxichunna haaqeete maganninniiti. Morfin ayirritanno dhibbuwanni macciishshantanno xisso ga`labbi assannoha ikkanna xagisiraanote aanano goxanote macciishshamme kalaqanno.
• Hashshu taalo kaafeen noonsare buna, shaenna kooka labbinore baqqi assitanno agattubba aga; surrenke melaatooniin yinannita goxanote hormoone fincitanno yanna keeshshitanno gede assanno. Kunino uurrinshunnita goxichu amanyoote 40 xiqqeessi geeshsha sarraaqanno.
• Goxicho waajja Somni Foobiya yamamanno.
• Batinyu manni daallasa sa“ihu gedensaanni 7 xiqqeessi giddo goxano adhitannosi.
• Looso yannantenni loosannokki manni goxanote qarrira /Insomniya/ reqeccaawate kaayyonsa luphi yitinote.
• Baasa hinge waajjishshannonna masissanno haaquubba la“a; parkinseni /huxissanno xisso/ nna dimensha /hawate xisso/ labbino surrete xissuwa malaate ikkara dandaanno.
• Haaqe la`nanni haaqe ikkase huwatanna haaqeete harinsho massagate dandoo lusid diriim yaamamanno. Baxxinohunni viidiyote geeme godo`la batisanno manni togoo danita haaqubba baasa hige la“anno.
• Saynsetenni 80 ale ikkitanno babbaxxitino goxanote qarrubba no.
• Kalqete deerrinni goxicho gufissanno korkaatta giddonni umihunna mittu interneetete.
• Goxankera 2 saate albaanni televizhiine la“a hattono bilbilanna kompiyutere horonsira goxicho gufissanno.
• Manchi beetti heeshshosiha 6 diro saysannohu haaqe la“atenniti.
• Daakiyyootu goxxannohu mitte illensa diwantukkinniiti.
• Sluuz yinanni moichi 80 anga ikkitannota dirisi kifile sayisannohu goxanotenniiti. Kalqete aana goxaanchunna jallaagu moichi sluuzete.
• Baattote aana hee`ranno moichi giddonni harancho goxanote yanna noosihu daaniichoho. Daaniichu barrunni 2 saate calla goxanno.
• Goxanote wodaninni buubbanno ce“a no. Baxxinohunni daramaano ce“a / yanna agartanni gobbatenni gobba hodhitannori/ diilallote aana harancho yanna mugganno.
Bakkalcho Wocawaaro 10, 2016 M.D
